冇拍拖好耐！真實對白
黃翠如既係余詠珊愛將，又係珍姐新寵，雖然 孭飛新劇未算大收，不過有兩位高層射住，想唔紅都幾難。
封面
黄翠如唔受星爺溝 黄翠如腐女守貞
想入屋真係要拍無 綫劇。有線娛樂主播出身，前有線、 nowTV主持黃翠如，於行內打滾近 10年，未算大紅，直至 12年由前有線高層、現任無 綫綜藝科總監余詠珊挖角加入無 綫，即獲高層曾勵珍重用，首次拍劇《心路 GPS》已坐穩女一，之後更連開三劇，恨死一眾捱生捱死都未上到一線的姐仔。
姐仔葡萄，不過網友已封翠如做 BB，劇中黃翠如飾演戇直 P.A.，現實中黃翠如的確單純，平時唔出街、亦唔買化妝品，更慳妹上身，日日搭巴士、港鐵出入。翠如 BB話：「我係宅女……其實冇拍拖好耐。」本刊更發現翠如 BB曾於熒幕前大膽穿上激罕三點式，應該唔封閉得晒喎！
早過高 Ling玩泥
黃翠如 03年入有線之後跳槽過 now， 11年再返有線拍攝《地球上這個世界那些人》旅遊節目，介紹土耳其時，三點式上陣玩泥漿浴。雖然冇高海寧咁震撼，不過黃翠如勝在夠 true夠 pure，同埋快高 Ling一步。
有線電視圖片
有線電視圖片
有線 09年黃翠如同蘇民峰拍有線旅遊節目《 40日峰狂嘆世界》，去到南非取景，翠如 BB更着 咗件三點式泳衣試 spa。當年 28歲 嘅佢都 keep得唔錯，但奇怪在節目用「肉排過冷河」 嚟形容翠如 BB。
有線電視圖片
有線電視圖片
三點式焗桑拿
有線電視圖片
黃翠如平時密實，難得肯着泳衣，雖然身材冇𡃁模咁吸引，但勝在均稱。 喺節目中，黃翠如同蘇師傅去 咗 9個國家，去到南非 Western Cape Hotel& Spa仲着泳衣玩 spa。
平胸嘟嘴
有線電視圖片
翠如着住呢套三點式終於有正面心口睇吓，雖然身材平平，但佢就曾經話過滿意自己身材，「有女同事曾經叫過我去豐胸，但我自細已習慣自己平胸。」
31歲黃翠如畢業於浸大公關及廣告系， 03年於有線娛樂台主播招聘勝出，開始娛樂主播生涯，但因為經常訪問星爺而被封為「周星馳御用主持」，及後跳槽過 nowTV做旅遊節目，之後再回歸有線。直至上年，終被前有線高層、現任無 綫綜藝科總監余詠珊睇起，斟她跳槽無綫拍劇。 黄翠如加入無 綫，即獲戲劇分部總監珍姐曾勵珍器重，首次拍劇《心路 GPS》，更被安排孖住當紮小生陳展鵬做女一。
珍姐錫到燶
雖然《心》劇收視未如理想，上週平均只得 24點，最高 27點，但黃翠如已極速入屋，亦被一眾宅男封為女神「翠如 BB」。
不過網友 like都未及曾勵珍 like緊要，知情者透露：「珍姐好睇佢 㗎，拍《心》劇同《師父•明白了》已經成日問導演佢得唔得？佢又好勤力，為 咗第二朝拍外景唔遲，竟然 喺電視城過夜，冇休息 嘅通告都接。」
肯捱又聽話，令黃翠如成為珍姐新寵。除 咗拍緊的《疙瘩老娘》(暫名)，緊接的《寒山潛龍》夥拍馬明和陳國邦， 4套劇均是珍姐旗下監製作品。
日日搭地鐵
《忽然 1周》圖片
自稱宅女 嘅黃翠如，平時出街鍾意素顏唔打扮，愛坐地鐵，連佢都自認係慳妹。
拒絕星爺 Edison
03年 黄翠如參加有線主播招募而入行，同期嘅仲有陳貝兒及鄭中基老婆余思敏。《蘋果日報》圖片
事業順境，不過黃翠如感情生活神秘，當年於有線擔任主持，有「星爺御用主持」之稱，有傳 06年星爺嗒糖，曾力邀她拍電影，而陳冠希亦睇中過翠如 BB，曾邀她拍 MV，但都遭到有線一一拒絕，甚至有傳二人以「只肯接受 黄翠如訪問」作交換條件，有線亦唔賣帳，改派另一主持訪問二人。
「冇拍拖好耐！」
翠如 BB多男星爭，但私底下她就零緋聞，男友更從未曝光，她亦甚少提及感情事，只曾在 09年一篇的訪問中，透露自己失戀多年。
「其實 09年之後都拍過一次拖 嘅，後尾都散 咗，𠵱家就冇拍好耐喇！（有冇 3年?）幾多年唔講喇！我冇時間呀，以前一年有 9個月唔 喺香港，𠵱家又日日開工邊有時間！（有線舊同事話你 bad taste？）我着衫係 bad taste，我唔會使錢 㗎，我係宅女 嚟。可以幾日唔出街！化妝品、衫我都唔鍾意買。我諗做我男友要唔介意我呢種性格。」相信冇男人會介意女友又靚又慳啩？
黃翠如：我冇星爺電話！
黃翠如做主播期間，深得星爺賞識，每次訪問都點名要她做主持，有「星爺御用主播」之稱，成為眾多有線主播之中，最為突出 嗰位，及後更被有線前執行董事徐小明𥄫中，搵佢拍第一套電影《奪標》。黃翠如表示：「其實同星爺只係主持同嘉賓關係，我連佢電話都冇㗎！我亦冇畀電話佢，次次都係訪問先傾偈。」 
徐小明：佢好勤力！
徐小明當年覺得 黄翠如係可造之材，搵佢同張衞健拍攝有線電影《奪標》。徐小明接受本刊訪問時話：「雖然佢冇乜經驗，但就好勤力，好肯問，又唔怕辛苦，所以畀佢做女主角，等佢試吓！」
有線舊同事唱 bad taste
佢 bad taste！
有線主持莫家淦
人品好好，亦好勤力，不過着衫 taste就……真係可以用 bad嚟形容，呢樣佢出哂名 㗎喇！不過佢應該會進步 嘅。
有慧根
now主持區永權
做主持佢轉數唔算快，但做戲佢有慧根，做得好自然。着衫方面就……我係佢好朋友，所以唔評論喇……
儍大姐！
無 綫 J2主持陸浩明
我有睇套劇，個角色好 啱佢做，佢係典型 儍大姐性格，有 啲戇直，但係可愛 嘅。着衫方面，我諗佢係走向另一極端囉，同大家唔同咁 啫！
4劇輪上珍姐：要飲水思源！
戲劇分部總監
曾勵珍
黃翠如 12年 4月先加入無 綫，即獲珍姐提拔，處女劇拍住一線小生陳展鵬《心路 GPS》做女主角，之後再拍《師父•明白了》亦做女一，據知珍姐相當緊張黃翠如表現，試過拍完《師》劇叫黃翠如入房問黃翠如知唔知套劇講咩?當時黃翠如就答唔中，不過珍姐就同佢講：「套劇講因果關係，做人要飲水思源。」嘩！珍姐連畀 4套劇你拍，翠如 BB一定識「思源」喇啩？
《心路 GPS》
黃翠如首套 TVB劇集《心路 GPS》做女一，仲搵 嚟上位小生陳展鵬同視后李司棋傍實，明顯係畀好位黃翠如上。
《師父•明白了》
《蘋果日報》圖片
據知珍姐睇過《心路 GPS》後，覺得黃翠如掂，即刻畀佢再拍《師父•明白了》。
《疙瘩老娘》
《蘋果日報》圖片
黃翠如現忙拍監製李艷芳新劇《疙瘩老娘》（暫名），雖然係女二，但戲分少唔過女一 嘅田蕊妮。
《寒山潛龍》
拍完《疙瘩老娘》後，黃翠如 5月將會為《寒山潛龍》開工，拍住馬國明，陳國邦，陳茵媺等。
有線幫玩晒
自余詠珊入主無 綫，頂替何麗全 嘅綜藝科總監位置，余即將其有線愛將，逐一帶去無 綫。除 咗黃翠如外，仲有旅遊王子洪永城及有線台柱陸浩明，二人分別會拍劇及做主持活動，總之有余總一日實有運行。
余詠珊唔只管理無 綫所有綜藝節目，同珍姐亦老友，佢兩位愛將黃翠如，洪永城現時都為珍姐旗下監製拍劇。《蘋果日報》圖片
洪永城在有線、 now時期專拍旅遊節目，上年轉投無 綫，即拍重頭節目《走過烽火大地》，現忙拍《單戀雙城》，劇中同陳茵媺，高海寧談情。
陸浩明（右二）上年過檔無 綫，現主力幫 J2及收費台做主持及飲食節目，他說：「呢年應該主力做主持，希望第時有機拍劇啦！」
留言列表
