close
澳洲出世兼長大嘅忽那汐里，5呎3吋高，三圍31B、24、33，出道以來一直好錫身未影過水着相，㗎仔就貪佢矜貴。睇佢一堂未經修飾的濃眉及淡妝，就知佢賣個性啦。
港男讚可愛
汐里唔算標準靚女，但港男亦讚有特殊魅力，可愛過武井咲。
今年人氣好似坐直升機狂升的忽那汐里，出生及成長於澳洲，14歲趁放假返日本參加「全日本國民美少女比賽」獲評審員特別獎後，先正式搬回日本定居，繼而加入藝能界。
日劇《女管家三田》中，汐里飾演三田家長女，因阿媽死後自暴自棄，情緒唔穩定時，仲試過叫工人菜菜子用刀殺死佢，由於汐里演得夠放，電視台話開續集一定搵佢。
上年拍住影帝妻夫木聰主演電影《My Back Page》，戲中飾演雜誌模特兒嘅汐里，最近更憑此片攞咗已搞到第85屆嘅《Kinema旬報電影頒獎禮》嘅「最佳新人獎」。
新劇玩懸疑上星期開播嘅新劇《O-Parts》，講未來殺手返回現代策劃殺人事件嘅故事，而汐里（左）飾演一名捲入殺人事件嘅學生妹。
CM小天后最近走紅嘅汐里，因形象爽朗活潑，由上年開始已接拍《Pocky》百力滋等12個廣告，被封為CM小天后。
輸俾咲妹 6年前，汐里（左二）同武井咲（左一）參加同屆「全日本國民美少女比賽」，武井咲（左一）攞「傳媒大獎」，而汐里（左二）就攞咗「評審員特別獎」，而冠軍係中日混血妹林丹丹（右二）。
貌似上戶彩嘅彩芽，樣夠萌，得閒亦會影吓水着相，甚受宅男歡迎。
上月播出嘅新劇《必殺工作人2012》中，亦赤裸上身演出浴戲，好搏殺。
全站熱搜
留言列表
