歐陽震華 Bobby 新年飯局嗆喉致急性肺炎歐陽震華入 ICU搶救 @ 818 娛樂八掛大放送★

新年飯局嗆喉致急性肺炎
歐陽震華入ICU搶救 231,156

■歐陽震華和太太傅潔嫻結婚多年，恩愛如昔，經常有影皆雙。　微博圖片

現年52歲的師奶殺手歐陽震華（Bobby）前日年初二，約陶大宇和謝天華等到友人家開年，好友歡聚難免暢飲狂歡，至昨日凌晨Bobby突然昏迷，被送入醫院深切治療部（ICU）急救。Bobby太太、澳門前賭王傅老榕孫女傅潔嫻昨日眼紅紅現身醫院，經理人Lydia否認Bobby飲酒出事，她指Bobby昨日凌晨因急促進食嗆喉導致急性肺炎，昨午已清醒，但仍需插喉留醫。

歐陽震華昨日凌晨突然在友人家中昏迷，被救護車送灣仔律敦治醫院搶救。有傳他前晚在友人家開年聚會時，狂歡飲酒出事，有指Bobby半夜昏迷送院，由陶大宇及一班友人陪同入院急救，直至昨日仍在醫院深切治療部留醫。Bobby太太傅潔嫻和經理人Lydia昨日到醫院探望，Lydia指Bobby因進食時嗆喉致急性肺炎，昨午已清醒，但仍需插喉留醫。

■歐陽震華太太傅潔嫻（左）昨由丈夫經理人Lydia陪同到醫院。「佢清醒都有回應」

00年視帝兼師奶殺手Bobby，近日跟老拍檔關詠荷拍攝無綫新劇《情逆三世緣》，適逢農曆年假停廠，Bobby前日初二即約好友聚會，陶大宇和謝天華夫婦等均是座上客，天華太太Tina昨日凌晨還把歡樂照片上載微博，相中的Bobby太太傅潔嫻還笑得開懷，料不到昨日凌晨卻發生意外。
Bobby被傳醉酒留醫ICU搶救，情況令人擔心，經理人Lydia昨午已到醫院打點，她先後多次進出病房，昨午2時探病後向現場記者簡述Bobby病況，她眼濕濕說：「Bobby係急性肺炎，佢噚晚食嘢嗆親入咗醫院，佢人清醒，我哋探佢都有回應。」對於傳聞指Bobby因飲過量酒致昏迷，她強調：「佢飲咗一杯啫，同酒冇關，佢太太擔心一定有，但情緒OK，Bobby暫時喺ICU。」是否已過危險期？Lydia說：「冇事，冇事。」

Bobby太太神情憂傷

由於記者聚集病房門外，醫院一度用屏風遮擋病房門外，氣氛緊張，Bobby太太傅潔嫻昨午5時半戴上口罩現身醫院，她眼神顯得憂傷，之後才說：「OK OK，冇事嘅。」身邊的Lydia也說：「Bobby醒番，佢要休息一段時間，約一星期。」Lydia指Bobby聽從醫生吩咐不准亂動，她說：「佢好攰，要插喉未落得床，𠵱家情況好安全，太太擔心一定有。」Bobby何時可由ICU轉普通病房？她說：「快㗎啦。」
記者昨午致電陶大宇，他直認昨日凌晨送Bobby入院，大宇說：「我哋前晚先後上咗朋友屋企開年聚會，大班朋友開心吓，Bobby突然有少少唔舒服，我哋就陪咗佢去醫院。」大宇表示較Bobby遲到場，朋友已開始微醉，問到Bobby酒量如何？大宇說：「Bobby又唔係酒筲箕，大家唔係劈嘅，開心飲吓啫，佢飲咗少少酒啫，可能佢呢排開劇有啲攰。」大宇直認傅潔嫻憂心，他說：「做太太嘅梗係擔心，我都擔心㗎。」

■陶大宇（右）直認昨日凌晨陪同Bobby入院急救。　資料圖片

■謝天華前日年初二跟Bobby夫婦聚會，Bobby出事前，傅潔嫻還玩得高高興興。　微博圖片

■歐陽震華年初一在微博上載與關詠荷（左）等《情》劇拍檔合照，祝粉絲新年快樂。天華：飲紅酒威士忌

謝天華和太太Tina與Bobby在友人家飯局，不過天華夫婦早走，及至昨早才獲悉Bobby入院，他昨日在電話中說：「我走前Bobby都好正常，可能食嘢太急，今早瞓醒先知佢入ICU，好擔心，過年流流。」聚會是否飲太多酒？天華說：「過年梗有，但唔係酗酒，紅酒、威士忌都有，成班朋友飲咗幾支，唔知佢有冇醉，走時好正常。」天華昨日未有往探望，他說：「等佢精神狀態好啲先，費事騷擾佢，等佢好番七、八成，有問候佢太太。」
《情》劇預計明日開工，但Bobby仍要留院，該劇監製莊偉健表示上周六年廿九本來Bobby要開工，但當日他已冧廠請病假，莊偉健昨日在電話中說：「Bobby經理人今日有同我聯絡，佢初五未開到工住要唞吓，本來我聽日都想去醫院探吓佢，但佢經理人話唔好，我會聯絡住佢哋。」　
採訪、攝影：藍文浩、羅德光、朱志聰

醫生話：落錯格後果嚴重 25,344

歐陽震華昨凌晨因嗆喉導致急性肺炎，被送入深切治療部搶救，本報記者昨日訪問醫生關嘉美，她昨日說：「呢個情況喺成年人係好罕見，多數係老人家、中風或者柏金遜嘅人嘅協調能力比較差，先至會出現所謂嘅『吞錯格』嘅機會，第二個可能性係除非佢飲到好醉，醉醺醺咁『吞錯格』，又或者醉到嘔，其他人又唔識幫手，甚至可能將佢打平瞓低，啲嘔吐物咪落晒氣管、支氣管，再落晒去個肺部咁咪變急性肺炎。」至於情況會否很嚴重？她說：「嚴重㗎，唔係又點會要入ICU？如果吞嘅外來物體唔多，而且及時急救嘅話，咪可以冇事。」

Bobby豪飲出事ICU搶救

無綫藝員歐陽震華（Bobby）前晚與謝天華及陶大宇等到圈外朋友家中拜年，樂極忘形的他疑因飲酒過度昏迷，其太太及友人立即call白車將他送院，至今Bobby仍需留在深切治療部（ICU），並需插喉治理，其太太昨午探病後雙眼通紅，神情擔憂。

Bobby一向飲得，未知是否因工作忙才導致身體不適？（設計圖片）

52歲的無綫藝員歐陽震華（Bobby）向來予人感覺精靈活潑，年廿九還在微博表示要吃十隻海膽，年初一亦有向fans拜年，精神狀態甚佳，想不到昨晨疑因飲酒過度昏迷，被送往深切治療部，病情不輕！

據知前晚Bobby趁新年放假，與太太傅潔嫻相約好友謝天華、陶大宇、郭政鴻及吳卓羲等到一名相識廿多年的圈外朋友家中飯敍，眾人情緒高漲把酒談心，至半夜4時多，其太太發現醉酒的Bobby不省人事且面色有變，深感不妥，立即召白車將他送往灣仔律敦治醫院，經醫生初步治理，Bobby仍需留院觀察至少一星期。

經理人：急性肺炎

昨午約2時，已有大批記者在醫院守候，院方煞有介事在ICU門外圍上黑板，並有保安在場，但沒阻礙記者採訪。Bobby經理人Lydia被發現坐在一角，起初她表示不太清楚事件，其後在一名男友人陪同下入內探病，十分鐘後Lydia步出受訪，她解釋Bobby因食物落錯位導致急性肺炎，並一度否認因酗酒所致，問及Bobby太太心情，Lydia說：「當然會驚，但情緒尚算OK。（佢拍緊劇點算？）了解緊，應該要請假。」問到Bobby是否已度過危險期，她只答「冇事、冇事」，但要繼續留ICU觀察，其後於後樓梯離開。

Bobby出事後被送入ICU治理，院方在ICU外圍圍上黑板。

傅潔嫻對老公入院一事十分擔憂，探訪後更眼紅紅。

傅潔嫻由Bobby經理人（右）陪同下離開醫院。

有份出席飯局的郭政鴻透露當晚情況。（資料圖片）

約4時半，Lydia與Bobby太太及幾名親友從正門入內探病，約一小時後離開，戴上口罩的傅潔嫻雙眼通紅、神情擔憂，但沒回答記者提問。Lydia代答表示Bobby已恢復意識，但尚未十分清醒：「因為食咗藥同插緊喉。（落到床？）佢要乖喇！要留床休息。（留院幾耐？）大約一星期。（幾時轉去普通病房？）快o架喇！」及後在醫院大堂，傅潔嫻終開腔回應說：「OK嘅，冇事冇事。」

Lydia昨接受電話訪問時承認Bobby「暈過一陣」，但其後已甦醒。

郭政鴻語帶徬徨

陶大宇及郭政鴻有份送Bobby入院，大宇昨午說：「過年大家聚埋一齊，係有飲酒，都飲得幾多下，見佢唔係好妥，醉醉哋，為求穩陣都係畀醫生睇吓，情況應該OK。」郭政鴻語帶徬徨為好友擔心，想不到新正頭出事，他表示當時大家正打麻雀耍樂，Bobby突然表示「好攰」而小睡一會，其後發覺他不適，但送院時仍有意識。問到是否飲酒過量出事？他說：「飲好少啫！家常便飯。（隱性疾病？）醫生話冇咩大礙，可能佢工作上太攰！佢太太有咩需要，我哋隨時幫手。」謝天華則表示跟老婆早走，故沒察覺Bobby不適，問到是否飲酒太多？他說：「少少咋，平時食飯咁。（探佢？）等佢休息下，睇佢咩情況先。」昨日有不少網友到Bobby微博祝他早日康復。

文：影視組

監製爆早已不適關詠荷震驚體諒延拍

Bobby本來明天會與拍檔關詠荷為電視劇《情逆三世緣》開工，下月中更會到佛山拍外景，現他突然入院，令工作計劃大受影響。《情》劇監製莊偉健在電話中表現震驚：「你哋講先知，未聯絡佢呀！（延期去佛山？）最緊要個人冇事，其他都冇問題！」他透露Bobby之前已有身體不適的情況出現：「佢試過拍拍吓劇話個心跳得好快，翳住翳住咁，休息咗個幾鐘先再拍，有叫佢去check吓！年廿九本身要拍嘢，佢都傳短訊畀我話唔舒服。佢仲話新年會去旅行，冇諗過會咁！」

Bobby（右）早前不辭勞苦，上山跟關詠荷（右二）及黃智賢（右三）等為《情》劇拍外景。

至於拍檔關詠荷透露跟老公張家輝知道消息後也非常緊張，會打電話給其經理人了解情況：「工作唔緊要，希望佢早日康復！」而同劇的黃智賢則稱Bobby拍攝時沒有異樣：「拍嗰陣佢都發揮搞笑本色，係咪新年食多咗咋？（探佢？）會打電話畀佢先，我諗依家唔係咁方便。」張家輝坦言：「一個月前我先去探過佢哋班，作為朋友當然好想去探佢，但ICU又唔係隨便畀人探得，希望佢無事！若果可以一定去探，始終見到真人會安心啲。」

Bobby昏迷 ICU插喉

無綫藝員歐陽震華前晚偕謝天華、陶大宇及郭政鴻等好友食開年飯慶新歲，期間疑飲酒後酒精中毒，昨凌晨急送入ICU。據悉，他曾一度昏迷，經診治後已恢復意識，其妻昨日探病後眼紅紅離開！

現年52歲的歐陽震華（Bobby）前晚大年初二，相約圈中好友謝天華、陶大宇、郭政鴻及吳卓羲等於一名圈外朋友家食開年飯，據知席間眾人打牌耍樂，在歡樂氣氛感染下，不忘飲多兩杯盡興。

太太為傅老榕孫女

眾人玩至昨凌晨四時許，Bobby突然嗌眼瞓，其現任太太、已故澳門賭王傅老榕孫女傅潔嫻（Rosanna）察覺夫婿面色不妥，即叫白車，漏夜送他往灣仔律敦治醫院，隨即被送入深切治療部（ICU）診治。昨午二時許，大批傳媒在醫院守候，院方於ICU門外圍上黑板以防拍攝，並派保安到場。Bobby的經理人Lydia在男友人陪同下入內探望，約十分鐘後主動步出接受訪問，她否認Bobby入院是飲酒太多所致：「了解過話冇事，食錯嘢落錯格導致肺炎。」她指Rosanna情緒尚可，問到Bobby是否已度過危險期，她說：「冇事、冇事，但要繼續留ICU觀察。」

需留院一星期

至下午四時半，經理人偕Rosanna再度探望Bobby，逗留一小時後，經理人再發言指Bobby已恢復意識，但尚未完全清醒：「因為佢食咗藥插緊喉，要留院一星期左右。（幾時由ICU轉入普通病房？）快o架喇！」

戴上口罩的Rosanna離開時一度雙眼通紅，問到Bobby情況，她只淡淡地說：「OK嘅，冇事、冇事。」對於一度傳出Bobby昏迷，經理人透過電話補充說：「其實都暈咗一陣，但依家醒番，醫生照晒各樣嘢，休息緊，應該要向劇組請假。」探病後，估計Rosanna已返回於白建時道的豪宅寓所。

陶大宇：佢係飲多咗

其實Bobby出事前數天，仍精神奕奕，不時開懷大嚼，上周六（年廿九）他於微博上載捧着海膽的照片，今次突然病重，有份送他入院的郭政鴻及陶大宇都表示擔心，郭政鴻指Bobby送院時仍清醒：「醫生話冇問題，佢只係飲咗少少，我諗係佢工作上攰，所以先有啲唔舒服。」陶大宇直言當時是為穩陣起見，故送Bobby往醫院檢查：「佢係飲多咗，見佢唔係好妥，醉醉哋，所以送佢入院。」至於與太太早走的謝天華坦言不知Bobby不適，他得悉後亦表愕然：「（飯局）見佢好精神冇嘢，當晚佢都係有飲少少、食吓嘢，好似平常食飯咁。」

出事時序

年廿九開始不適

‧Bobby分享海膽照，歡笑人前，但原來同日曾透露不舒服。

大年初一笑迎新歲

‧於微博上載同劇拍檔關詠荷及梁舜燕照片，恭喜大家發財。

大年初二樂極生悲

‧Bobby夫婦與多位老友食開年飯，期間舉杯同飲。

‧飯局期間，Bobby突感不適，太太即召白車將他送院，院方同時於ICU門外圍黑板，Bobby的經理人隨後抵達。

大年初三留院治療

‧Bobby仍需留院於深切治療部接受治療，其妻探望後眼紅紅離開醫院。

第一手消息請下載on.cc東方互動iPhone/iPad/Android/Windows Phone Apps

專案組

年過半百的Bobby，與老友飯局，疑「飲大兩杯」不適，需送院急救。

Bobby太太傅潔嫻

大年初二：樂極生悲
Bobby夫婦與多位老友食開年飯，期間舉杯同飲。

飯局期間，Bobby突感不適，太太即召白車將他送院。

院方於ICU門外圍黑板，Bobby的經理人隨後抵達。

大年初三：留院治療
Bobby仍需留院於深切治療部接受治療，其妻（右一）探望後眼紅紅離開醫院。

群星慰問：「希望佢福星高照」 10,790

郭可盈

歐陽震華昨日凌晨入院，其好友和正合作無綫劇《情逆三世緣》一班演員十分擔心。

郭可盈：

佢身體一向OK，知佢唔係好飲得酒，可能喜慶飲多咗，希望佢快啲離開ICU，識咗咁多年梗擔心，希望佢冇事，福星高照。

薛家燕薛家燕：

可能係細菌感染，應該冇乜大礙，聽講佢發燒，希望佢快啲好番。

黃智賢：

希望佢冇事，過年前開工冇察覺佢身體唔舒服，依然咁活潑可愛，好好笑，第一次同佢合作，希望佢身體健康，可能過年食多咗唔舒服啫。

敖嘉年：

年廿八開工見佢都冇乜異樣，只係大家都拍到好攰，年廿九打畀佢仲好精神，突發事真係好難講，我哋初五要開工，未收到監製通知，如果有改動一定就佢，希望佢冇事。

馬德鐘：

希望佢快啲冇事，照我認識嘅佢飲酒好有分寸，佢唔會亂溝，又唔會狂劈，我祝佢蛇年身體健康。

人物誌：由跑龍套到艾美獎 20,980

現年52歲的歐陽震華，82年入讀無綫藝員訓練班畢業後加入娛樂圈，由跑龍套、配角做起，90年代初在《壹號皇庭》中擔正做男主角，其後發展順利，00年憑《洗冤錄》奪無綫最佳男主角，至前年與無綫改簽部頭合約，專注於內地發展。
07年歐陽震華憑《賭場風雲》入圍角逐第35屆國際艾美獎最佳男主角（圖），成為首位獲提名該國際性獎項的香港男藝人。感情方面，他91年與當時任職髮型師的劉惠如結婚，兩年後和平分手。94年初經陶大宇前妻介紹下，認識澳門第一代賭王傅老榕的孫女傅潔嫻，二人火速撻着結婚，至今恩愛如昔。

話你知：入行31年收視保證 16,683

《黃金十年》

歐陽震華近日忙於拍攝無綫劇《情逆三世緣》，他82年入讀無綫藝訓班後，演出過不少家喻戶曉的高收視劇集。

86年《黃金十年》

歐陽震華在劇中與劉嘉玲有段糾纏不清的關係。

89年《晉文公傳奇》

飾演趙衰的Bobby與黎明有不少對手戲。

92年《壹號皇庭》

飾演余在春的Bobby擔正做男主角，此劇更開創了專業劇的先河。

97年《醉打金枝》

憑此劇與關詠荷奪得無綫台慶最佳惹笑冤家大獎。

97年《美味天王》

飾演田味吉的他扮長髮廚神，與關詠荷和宣萱有一段三角關係。

98年《陀槍師姐》

他飾演的陳小生和關詠荷飾演的娥姐，被塑造成螢幕情侶。

99年《洗冤錄》

他飾演宋慈一角，為劇集帶來高達40點收視，更獲封視帝。

02年《談判專家》

飾演彭國棟的他擔任談判專家。

06年《施公奇案》

劇中飾演施世綸的他有四位太太，其後因反應不俗而開拍續集。

09年《天師鍾馗之美麗傳說》

內地劇，Bobby飾演鍾馗一角，深受內地觀眾歡迎

醉酒嘔吐可致急性肺炎

一般人如果進食太多或者飲酒太多，都有可能患上急性肺炎，家庭醫生關嘉美解釋：「正常人食嘢時食物會落食道，但如果食得太多，協調得唔好，就好有可能『落錯格』，將食物落錯去支氣管，然後入晒肺部，咁就會有急性肺炎。當然，飲得太多酒，神志不清都可能會出現以上嘅情況。」另外，她指醉酒嘔吐亦有可能導致急性肺炎：「如果因為太醉唔識向前嘔，啲嘔吐物就有機會積咗喺氣管同肺，身邊人如果唔識幫佢拍背脊，由得佢平躺，情況會好嚴重，分分鐘導致肺部衰竭，甚至致命。」至於Bobby入院後需插喉以致不能下床，關醫生解釋病人送院後，插喉乃急救方法，有協助呼吸之用。

娶傅老榕孫女

歐陽震華（Bobby，原名歐陽耀泉）為無綫福將，於1982年加入無綫電視，拍劇無數。Bobby自《壹號皇庭》飾演余在春一角後逐漸備受重視，其後擔正不少劇集的主角。他飾演的大部分角色均大受歡迎，甚有觀眾緣；他於2007年更憑劇集《賭場風雲》入圍角逐第35屆國際艾美獎的最佳男主角，成為首位香港男藝人獲得提名該國際性獎項。

《壹號皇庭》

愛情路上，Bobby共經歷兩段婚姻，他於1991年與當時任職髮型師的劉惠如結婚，可惜兩年後二人離婚；1996年年底他與一代賭王傅老榕孫女傅潔嫻結婚，至今仍恩愛如昔。

酒精害人

不少好杯中物的藝人，往往因飲大兩杯「斷片」做出不當行為，以致形象插水甚至需負上刑事責任，認真唔抵！

陳浩民

藝人陳浩民於2011年11月在橫店與馬德鐘及陳嘉桓食消夜時，因被拍下醉後強行攬錫陳嘉桓的照片，引起軒然大波，陳浩民形象插水，更要在太太蔣麗莎陪同下開記者會公開向陳嘉桓道歉。

曹格

台灣歌手曹格與香港歌手側田於2009年9月在夜店消遣後爆衝突互毆，曹格「撩陰腿」傷及「小側田」，更拿起路邊修路牌作勢揮下，事後曹格開記者會就事件致歉，再被罰款一千元及需守行為一年。

鄭中基

歌手鄭中基於2000年2月由洛杉磯飛往台灣途中狂飲烈酒，醉後除抓空姐頭髮外，更向副機長「扭頸」，飛機被迫緊急降落。事後鄭中基被罰款2,500美元（約19,500港元）及自拍影帶公開道歉。

趕劇心口翳年廿九已嗌唔舒服

Bobby現正留院治療，記者昨日致電其主演新劇《情逆三世緣》的監製莊偉健，他對於Bobby入院表示震驚：「你哋講先知，未聯絡佢呀！」並透露Bobby早前身體已有異樣：「佢試過拍拍吓劇話個心跳得好快，翳住翳住咁，要休息個幾鐘先再拍得，嗰時都有叫佢去Check吓！年廿九本來要拍嘢，佢傳短訊畀我話唔舒服。」又表示Bobby曾透露新年期間有意去旅行，不料如今出事：「冇諗過會咁！」

明日通告料延期

原定明日Bobby會與《情》劇拍檔關詠荷開工，下月中更要隨劇組赴佛山拍外景，問監製會否延期拍攝，他說：「依家最緊佢要個人冇事，其他都冇問題！」

食得急飲太多易急性肺炎

Bobby的經理人指他食得太急而引致急性肺炎，家庭醫生關嘉美說：「如果食得太多，有可能『落錯格』，將食物落錯去支氣管，然後入肺部，咁就會有急性肺炎！而如果飲得太醉唔識向前嘔，嘔吐物就有機會積咗喺氣管同肺，身邊人如果由得佢平躺，情況會好嚴重，可能會變成肺部衰竭甚至致命。」而患者送院後插喉，乃急救之法，幫助呼吸。

工作過勞響警號

藝人經常忙到冇時間休息，身體響起警號亦不為意，要到真正出事時，才知驚急急求醫！

薛家燕

2009年接拍無綫劇《富貴門》時發燒入院，後證實患膽管炎及胃炎，有指是她2008年接受膽石手術後一直沒有好好休息的後遺症。

黃又南

本身患哮喘，2011年12月宣傳電影時，疑天氣寒冷引致病發，於記者會突然暈倒，工作人員即送他到休息室休息。

葉璇

2010年3月宣傳期間，因空肚上陣兼血糖偏低突然暈倒，以致膝蓋擦損流血，內地男星劉燁即與工作人員將她送往休息室。