Soyi 22歲
嶺南大學視覺研究 Yr.2
連商場也搞藝術導賞，令 Soyi（右）增添信心，「以前冇諗過可以喺商場入面帶藝術導賞，商場仲會一路搞呢類藝術活動，好似今年新年咁，如果啲機構或團體有興趣，可以向商場申請組導賞團，我都希望再有機會帶多咗團。」

U撈

做藝術導賞員　重燃藝術之火

2013年02月13日 ~~ 第1099期 交易通．搵車快線

總覺得讀藝術的出路有限，離不開博物館或設計等工作，像今年在嶺南大學修讀視覺研究的 Soyi，還未畢業，已在現實和理想中掙扎，但去年她參加了伙炭藝術工作室的藝術導賞員計劃，讓她得到更多實戰機會之餘，也令她對未來有了新的目標。


在培訓時， Soyi需逐一到訪伙炭藝術工作室的藝術家。

「以前我 哋會覺得塗鴉只係平面藝術，但英倫世界級藝術大師 Zeus就將佢變做 3D立體 嘅裝置藝術……」在 Popcorn商場內舉辦新年藝術展覽，擺放了多個 Zeus的立體塗鴉及大型藝術品，配合上新年的布置，非常搶眼，而是次記者便參加了商場舉辦的傳媒導賞團，記者連同商場公關等約有 10人，跟 着兩位女孩子游走在商場參觀，看到她們介紹得清晰又鎮定，想不到 2人均是嶺南大學視覺研究系學生。
約半小時的導賞完結， 2人神情漸見輕鬆，怎料就讀嶺南大學視覺研究 Yr.2
的 Soyi說：「其實我好緊張，因為幾日前先接到通知要帶呢個團，仲要係傳媒朋友，令我特別緊張，呢幾日不停上網搵 Zeus嘅資料，了解佢背景同創作理念，做定功課，同親身 嚟行 咗次，今朝再作綵排，試吓帶 PR行一轉。」
能成為導賞員，全因 Soyi參加了伙炭藝術工作室舉辦的導賞員計劃，「佢 哋 喺 1個月前， send email去全港 嘅大專院校招募，我一知道就立即申請，好想試吓，仲心急到不停打電話去查詢。」因為其學科在 Yr. 1只教授理論， Soyi連畫筆也沒有機會揸，因此很想找機會做實戰。「我去過伙炭藝術工作室，覺得 嗰度臥虎藏龍，好想了解更多。」 

自己搵料兼定路線

申請獲批後， Soyi需接受約 3日的培訓，首兩天要到訪伙炭藝術工作室的過百位藝術家，聽他們自我簡介，到第 3天再由資深導賞員教授導賞技巧及分享經驗。完成培訓後， Soyi好快便要帶團，「 12月中心連續 3個星期舉辦開放日，逢星期六及日會有導賞員帶團，每次大約有 30位團友，事前要 plan路線，又要同藝術家夾吓，睇吓由我做簡介，定係佢自己簡介番。」
不過準備功課做得幾足，臨場表現才最重要， Soyi笑言做介紹、幫藝術家翻譯等都不是大問題，「最尷尬係我本身係路癡，就算路線行 咗幾次，都成日迷路，好彩 啲團友都好好，唔會鬧我，有時會幫手一齊搵路。」 Soyi惟有之後多行幾次，及畫定地圖，盡量減低迷路機會。「最難忘係我做導賞， 啱 啱介紹完本地畫家周俊輝，點知冇耐上堂，就發現佢做 咗我老師。」
開放日完結後，工作室若有合適的工作，也會分派給各導賞員，就像今次 Popcorn傳媒團等，不過由於 Soyi經驗尚淺，故每次帶團只有百多元車馬費，她入職 1個月，暫時帶過 3次團，「我 哋冇咩經驗，都唔會介意酬勞，其實𠵱家有唔少藝術中心及博物館，會請兼職導賞員，有經驗 嘅時薪約有$160。」


資深導賞員 Miranda
Soyi表現幾淡定，做足資料搜集，至於迷路問題，都係靠實戰，行多啲自然會認得。
Soyi和拍檔呂嘉宜在帶團前，一齊接受資深導賞員 Miranda briefing。


好動的 Soyi（左四）參加學校的醒獅活動，不時外出表演。

畢業後投考公務員

Soyi於 2年前已在基督教家庭服務中心任導師，教智障學員畫畫和做小手藝，去年又到海外升學的教育展做翻譯，連同導賞工作，每月收入約有 2千元。「我 哋呢科出路比較窄，通常去博物館工作或者做設計，但我覺得政府對藝術 嘅 support唔夠，好難維生，而我係屋企獨生女，係第時 嘅家庭支柱，唔可以下下以興趣行先，所以想搵份穩定 嘅工作，諗住去考公務員。」
本來以為畢業後，便需要熄滅心中對藝術的熱情，幸而她能夠成為導賞員，經過這些工作經驗，令她有了新的看法。「雖然唔可以全職咁做，但我都可以同其他同好者，第時 喺伙炭藝術工作室租個單位，繼續搞 art work，甚至 喺公餘時間做導賞員，唔使完全放棄晒自己興趣。」




今次 Soyi帶由 Popcorn舉辦的新年藝術展，展出藝術大師 Zeus的 3D塗鴉展品，商場造了一批動物雕刻配合展出。

點申請做導賞員？

伙炭藝術工作室執行總監 Kitty
只要申請者 email畀我哋，同講吓佢哋對邊啲藝術有興趣，就可以接受培訓。

想像 Soyi般成為藝術導賞員，可以參加伙炭藝術工作室的導賞員計劃，計劃已搞了兩屆，每年中心會電郵資料到各大專院校作招募，有興趣者便可以接受培訓，總監 Kitty表示：「基本上我 哋唔會拒絕任何申請，好次今次就有三十幾人申請，不過經自然流失同培訓後，有 24個留低，每次有導賞 嘅工作，就會揀選幾個合適 嘅去幫手。」經驗淺的導賞員，每團可得百多元，有經驗的時薪約有$160。
查詢： http://www.fotanian.org 

撰文：洪芳俠
攝影：彭自維