close
FBI
余文樂林寶入貨
余文樂同周柏豪鬼咁 friend，大家鍾意打籃球外，仲有一樣咁鍾意靚車。
上週六（ 26日）， FBI喺灣仔駱克道撞到周柏豪陪住樂仔入去車行，睇閒閒哋要 3、 4百萬一架嘅林寶堅尼跑車。 FBI只見揸開 50萬 Audi A4嘅周柏豪一直陪睇冇乜出聲，反而對林寶堅尼情有獨鍾嘅樂仔不斷同個 sales講車經，不過當樂仔一見 FBI出現，即刻收口仲帶埋周柏豪走人。樂仔上年憑《春嬌與志明》紅透中港台，加上又鍾意黐郭富城同沈嘉偉等辣車 collector玩，唔買多幾部又真係好難同 friend溝通嘅。
發現 FBI後，樂仔即叫埋柏豪（右）同另一男友人閃走。臨上車時， sales仲捉住樂仔係咁傾，大生意當然要肉緊啲啦！
其實樂仔上年已揸住架價值 340萬嘅林寶堅尼 Gallardo周街炫耀，𠵱家又想換車，搵到錢當然要使。《忽然 1周》圖片
咬手指
周柏豪同老友余文樂一齊入車行睇值 3、 4百萬一架嘅新款林寶堅尼，其間樂仔行勻成個場不斷睇，好有興趣，但一向揸開平民車嘅周柏豪全程跟尾，其間仲悶到咬手指。 
全站熱搜
留言列表
