Main Camp
JP. Morgan爭請港大 IQ 140 天才唔敢認叻
還記得 07年，香港出了位數學神童沈詩鈞， 6歲華仁小學畢業後， 9歲入讀浸大數學系， 13歲完成碩士，成為全港最年輕大學生，震驚世界。
同是華仁畢業、現讀港大風險管理系 Yr.3的李家豪（ Alwyn，解精明的朋友），雖然不像師弟般做神童，但他 IQ亦過 140（正常人 IQ90-120），中三已兼讀大學課程，直至去年 1月休學一年，打低全球近千名尖子，成功入美國摩根大通（ JP.M）做實習生，之後更報讀哈佛大學暑期課程，在尖子堆中打滾近大半年，才知道什麼叫做叻人， IQ過 140，原來一樣好渺小。
23歲的 Alwyn，中學時已兼讀犯罪心理學、邏輯等大學課程，輕易考入港大理學院風險管理系，但為增加實戰及履歷準備，去年決定休學一年，並應徵美國摩根大通 JP. Morgan（ JP.M）做實習生，經過 5輪在港面試後， Alwyn終於成 JP.M風險管理部的兩位實習生之一。
JP. Morgan返朝 8晚 11
雖然 Alwyn天資聰穎，但做廣告的爸爸及建築師的媽媽不是怪獸家長，沒有刻意栽培他成資優生，「細個已經自願做好多數學補充習作，可能咁個腦靈活啲啦！」
智商高，加上身高 6呎的 Alwyn曾是香港泳隊成員，文武兼備自然成為天之驕子，但難得 Alwyn為人好謙虛，「去到 JP.M先知咩叫叻人，個個同事都返朝 8到晚 11，更加冇 lunch time，大家求其食個包又繼續做嘢，加上佢哋好專業，打字連一個錯字都冇，我試過喺 JP.M打錯咗 3個字，已經係大錯，有次一位 senior帶埋我去講 talk，全場聽到拍晒手，喺 JP.M學到嘅嘢，港大好難學到！」
自此 Alwyn頻頻上網，學習演講技巧，「雖然高考中文 oral攞 A，但見過高手先知一山還有一山高，所以我成日上演講網站 TED學習各地名人嘅演講技巧，以前都會打天才波，𠵱家我都唔敢賣弄小聰明。」之後 JP.M有意找他做長工，但為完成學業， Alwyn仍決定放棄筍工。
哈佛神童做同學
實習完畢， Alwyn沒有像其他同學遊美國吃喝玩樂，他把握時間，報考哈佛暑期課程進修，「我報了哈佛的財經及英語，同學中有 16歲醫科天才，清華尖子、美國大律師，同學視野較遠，只談工作及社會文化，唔會話這科那科較易等廢話！哈佛教授堂上會抽問同學，唔備課實會出醜！我日日回宿舍會第一時間溫書，結果都只係好彩合格！」經與高人神童近距離交手後，回港 Alwyn放棄游水夢，專注學業，「我都差唔多畢業，係時候裝備好自己，唔可以再浪費時間，所以游水當減肥！」
家豪中三起參與資優計劃訓練，經常要去中大、科大兩邊上堂，內容都圍繞大學一年級的入門課程，例如：基本相對論、邏輯及解難等。
讀哈佛
雖然在哈佛短短 4個月，但 Alwyn已相識滿天下，「喺哈佛識咗好多唔同國家精英，我打算做兩年嘢再報哈佛 MBA。」
JP.M實習
做 JP.M實習生超難， Alwyn話：「有 5輪面試，頭一圈要自我介紹，講理想，之後就做能力傾向測試，最後 3圈就透過視像見一眾高層，內容有世界時事、個案分析，最長見咗成兩個鐘！」
棄游泳
除了 IQ高， Alwyn更加是游泳健將， 06至 11年間為香港游泳隊代表，擅長 100米自由泳及 50米背泳，不過 Alwyn為學業及前途，最終還是放棄！」
另類嗜好
IQ150的森美會拍低靚女美腿減壓，而同樣 IQ超高的 Alwyn就喜歡數地磚及搵車牌計數，連 Alwyn都自覺：「我都覺得自己有啲怪！」
數地磚
我平時鍾意睇地磚或天花圖案排列，睇吓有冇砌錯，記者和 Alwyn訪問期間， Alwyn行行吓指着地上的階磚，「呢個砌錯啦，應該係打直，但佢砌咗打橫！」
計車牌
Alwyn會留意車牌上的數字組合，「例如我心想一個數字 24，我就會利用車牌上的 4個數字，用加減乘除、次方等方法計出 24這個數字！我覺得好有趣，好有挑戰性！」
清潔狂
凡事力求完美的 Alwyn做事超有條理，估不到他更自爆有潔癖。「我鍾意乾淨整齊，所以我成日執嘢，一唔整齊個人就會周身唔自在，所以成日清潔房間！」
智力測試考 名校必備
留言列表
