阿×叫佢打嚟（真實對白）
週一（ 26日），黃浩向本刊表示，已將出事當晚閉路電視影帶交畀律師：「如果有人 喺我餐廳做犯法嘅事，我知情不報就係犯法。有需要時，我 哋會交出影帶同警方合作。」
真面目
麻煩上身 明星迷幻生日 P 黄浩收中間人恐嚇電話
娛樂圈呢期因為疑似迷幻飯局，引發一場紅人罵戰。
老婆係港姐徐淑敏的食肆餐廳老闆黃浩，上週離奇傳出被員工勒索，揭發有圈中人在旗下食肆包廂行為不檢，更遭拍片斷正。至週日（ 25日）徐濠縈、陳冠希、李璨琛新婚妻子梁志瑩，忽然群起在社交網絡鬧爆黃浩，週一（ 26日）黃浩親口對記者表示，一年前已翻看過出事影片，更曾被黑勢力恐嚇：「佢（大家姐）話係阿 X叫佢打畀我！」
黃浩表示，一切紛爭都緣於去年 10月 15日，圈中食客幫襯其台灣菜館後因為收費起紛爭；而包廂內所有細節，都被閉路電視拍個一清二楚。《蘋果日報》圖片
週日（ 25日）， E神嫂徐濠縈在社交網絡 Instagram張貼黃浩之大頭相，本來她只配相並冇留任何評語，而其 Instagram戶口私隱亦設至最高級，閒雜人等無論相片及評語都無法瀏覽。多得 Instagram活躍人士陳冠希轉載，又爆粗留言鬧黃浩「 PK」，引爆圍內留言一概通天。 
週日（ 25日），本來只限圍內人關注的徐濠縈（網名 hilarious） Instagram上載黃浩相片，被好友陳冠希公開轉發，陳冠希鬧爆 PK，李璨琛新婚妻子 Pae亦鬧埋一份。
罵戰有因
早於上週五（ 23日），有報道指有人自稱擁有一條涉及圈中人在食肆行為不檢的片段向餐廳老闆及傳媒兜售。涉及餐廳，正是黃浩與友人合資、開設於銅鑼灣的「台灣一品花雕雞」。
黃浩週一（ 26日）向本刊記者承認，其實有看過餐廳包廂閉路電視紀錄：「件事發生 喺舊年 10月 15日，當晚有一班圈中熟客 嚟我餐廳食飯。平時我親自招呼佢 哋，次次都會打 啲折扣又會送 嘢畀佢 哋飲，但係當日我唔 喺度，新同事照計 咗佢 哋飲品錢，之後就鬧得好大， 喺微博鬧我收多錢又亂收費，我至會去翻睇當晚錄影，搞清楚發生咩事。」
在圈中人緣甚廣的 LMF成員 Kevin仔去年 10月在微博指責黃浩旗下餐廳亂收費。
黃浩：此地無銀
黃浩表示，當晚一行 23人熟客 7點到場，一餐飯食足 5小時，到底有沒有迷幻行為，他稱無法判斷：「我唔食煙，我見到條片有人捲煙，我都唔可以肯定佢 哋係食煙定食雪茄。兩三個星期後，就收到自稱黑社會人士電話。」黃浩指，有人自稱是大家姐，受人所託致電：「個大家姐話『阿 X』叫我打嚟！（名）係個單字。我問多次係邊個，佢就重複一次 嗰個人嘅中、英文名，佢講嘅內容我唔可以透露，只可以話我覺得人身安全受威脅，當時已經報 咗警。」
黃浩續說：「舊年到 𠵱家，我都冇透露過 10月 15日晚邊個藝人 嚟食飯、佢 哋做過乜 嘢。佢 哋對我人生攻擊，我覺得係此地無銀囉，同埋飲品冇打折，好小事 啫，最後亦都冇收佢 哋錢。搞到咁，我懷疑我 哋 啲花雕雞酒精太濃，唔係我真係諗唔通，點解佢 哋會失 咗控！
上週五（ 23日），郭偉亮、葉佩雯大婚當日爆出毒 P事件，葉佩雯否認與事件相關：「件事冇影響我心情，我 哋玩得好開心。」
當日陳奕迅為好友 Eric Kwok任兄弟，但太座徐濠縈就缺席婚禮。
身為葉佩雯婚宴姐妹的杜如風亦否認在場：「我絕對唔驚，我當日都唔 喺香港！」
華姐涉毒助查
週日（ 25日）晚上 11時，警方隱形戰車截查一部時速過 150公里的瘋狂貨 van時，在車上發現 13包大麻花，拘捕 31歲懷疑毒駕男司機及 24歲女乘客。而同車女乘客，竟然係 10年華姐季軍張慧雯（ Candy），拍過《 On Call 36小時》、又做過《華麗明星賽》獎品小姐。不過上完港聞當日上午 11時，張慧雯就發微博，否認毒駕男司機係男友，辯稱係朋友介紹嘅司機，事發時自己小睡，都唔知司機飛到成 150公里咁多喎。不過解話微博三個鐘後已經自剷，雖然無綫已即時抽起佢喺新劇《師父，明白了》的角色，但樂易玲仍信佢話：「佢話係朋友嘅朋友嘅，總之清者自清。」
張慧雯 10年自多倫多回流香港選華姐，身為大熱嘅佢最後當選季軍，同屆冠軍為岑麗香。《蘋果日報》圖片
張慧雯選美後做過草蜢《華麗明星賽》的 star lady，但最為人熟悉之作為電視劇《 On Call 36小時》的晶晶一角，但事件曝光後，睇嚟下年開嗰套《 On Call 2》都唔使預佢囉。
微博解話
留言列表
