close
媽咪姐
網友群插英文差 馬國明：刻意講慢啲
繼年前吳卓羲喺泰林廣告將「 My favorite」講成「賣飛佛」，成為網友嘅笑柄，最近馬國明喺台慶劇《名媛望族》嘅英語發音又俾人狂插。
唔少網友都話估唔到喺外國讀過書嘅佢，英文發音連松哥都比唔上，「 sorry」講做「 soly」，真係嚇死人。周日（ 28日），媽咪姐同馬國明傾咗幾句，佢就話：「我刻意講慢啲，等大家聽得舒服啲。我喺外國讀大學張 cert唔係買番嚟㗎！我唔敢講自己英文好好，但未至於『甩 Q』。喺 20集之後，有大量法庭戲，我係全英語對白，不如到時睇埋先講啦。」啱嘅，班高官一鋪比一鋪杰都無事啦，俾個機會馬明仲抵啲！各位網友到時記得洗耳恭聽嘞。
網友起晒馬明底，話佢浸過鹹水都唔掂。仲話佢唔似 20年代嘅精英，批評得好認真。
劇中飾演大律師嘅佢，同阿爸劉松仁傾偈時夾雜大量中英口語。
全站熱搜
留言列表
