close
媽咪姐
約定徐淑敏
《忽周》嘅活動真係一浪接一浪，繼「蘇基」古明華同「女神」劉心悠後，「扮靚達人」徐淑敏（ Suki）又會喺今個月 10號（星期六）同大家見面簽名嘞！呢位富貴靚太仲好大手筆，準備咗旗下品牌嘅保加利亞珍稀白玫瑰花水、氨基酸保濕潔臉粉，送俾《忽周》讀者。想知詳情？記得下期買書呀！
仲有仲有，今期《忽周》有新專欄作家詹勝加入，媽咪姐八到佢係資深傳媒人兼任青年工作，縱橫職場情場，見盡男歡女愛眾生相，趕住同大家分享㗎。而 12月，就有國內著名兩性暢銷書作家兼電視主持人曾子航登場，佢本《女人不狠，地位不穩》喺國內大賣 50萬本㗎。
兩個大男人，輪流同《忽周》讀者分析中港兩地嘅男女攻防心理戰，等你有贏無輸， sweet到最後！記得捧場嘞。
詹勝
曾子航
全站熱搜
留言列表
