close
日日呆等5粒鐘 日日呆等5粒鐘發火有理
張智霖（ChiLam）早前微博鬧爆《衝上雲霄II》助導，直指佢發通告同安排混亂，感覺助導好唔尊重演員。一向好好先生ChiLam都忍唔住發火，好姨聽二五講，原來ChiLam發火前一連幾日，通告叫ChiLam朝早10點返TVB化妝，但等到下午3、4點先開始拍，搞到ChiLam好幾次呆等5、6個鐘頭，最慘係佢之前要收夜，唔怪得發火啦！
而ChiLam老婆袁詠儀雖然身在內地拍劇集《龍門鏢局》，但見老公勞氣，即時出言力撐老公，仲話：「能把EQ是超乎常人的張先生，氣得這樣，你（助導）真的要打屁股了！你們真的要檢討、檢討！張先生！勿動氣，勿傷身！」
不過，ChiLam鬧完即有改善，冇再亂發通告浪費時間。Chilam透露無為今次事件多次開會商討，認為製作團隊誠意十足。佢態度軟化話：「你唔問起，我都忘記，返無拍劇係好難得機會，11月初就出埠拍外景，我會好好享受。」
問題已解決，難怪ChiLam有時間去行街，早幾日好姨中環撞到佢，心情好靚，全程笑笑口，仲同好姨打招呼呢！佢連續行幾間名店，最後都有少少斬獲。有得拍劇搵銀，又有時間使錢，換好姨都開心啦！
放大圖片
全站熱搜
留言列表
