close
42歲嘅奧瑪攜 BB檢查身體時，素顏兼且浮腫。不過咁先緊貼現實㗎嘛，生完天仙咁靚先至係稀有品種。
出外埠
奧瑪花曼平凡湊女
為人母本身不容易。作為星級媽媽更加難，生完 BB修身不特止，仲要化行妝、人靚 B靚先出得街，鬼咁姿整。
不過凡事總有例外。《標殺令》女星奧瑪花曼今年 7月中啱啱誕下女嬰，早前唔扮嘢做自己，以素顏師奶 look攜 BB女到醫院檢查。雖然奧瑪未修身，面容亦略為浮腫憔悴，但媽咪姐看在眼裏，感覺自然又舒服。問心呀姊妹，世界又有幾多個好似陳慧琳咁得天獨厚吖，生完似番個人，已經偷笑！
跟前夫伊凡鶴基所生嘅 14歲女兒 Maya，當日陪伴媽媽在側。今次新添嘅妹妹，乃奧瑪與商人男友 Arpad Busson所生，兩人至今仍未向外公布 BB女姓名。
今年 3月，奧瑪挺着巨肚巨胸游水。如今誕下女兒，巨肚消失，巨胸應猶在。媽咪姐都好期待奧瑪快啲修身成功，大晒靚身材。
奧瑪跟男友 Arpad早前曾分手，至 2010年復合，奧瑪隨即懷孕，至今年 7月中誕下 B女。
全站熱搜
留言列表
