close


Makiyo（戴口罩）嘅代表律師展示兩張各100萬台幣嘅支票，仲話呢筆原本係Ma媽返大陸醫肺癌嘅醫藥費，而家會用嚟做賠償金。

唔認蓄意傷人日籍女星Makiyo與男友友寄隆輝，上月街頭毆打的士司機嘅案件，上個禮拜首度開庭。


較早前有傳二人願意賠償150萬台幣（約40萬港元），再賠一架全新的士，希望可以庭外和解，免受坐監等法律責任，但受害司機林余駿家屬，認為兩個事到如今依然大話連篇，尤其係Makiyo，堅持自己飲大咗唔知有冇份打人，既然冇誠意，最終決定上庭解決！身穿黑衫牛仔褲素顏上庭嘅Makiyo，終在庭上開腔承認打人，但強調當晚冇要求ㄚ子、湘瑩過嚟打埋一份。至於著黑西裝現身嘅友寄隆輝，透過翻譯表示：「我不是故意要造成他重傷害，但傷害罪部分我願認罪。」並願意賠償100萬台幣（約26萬港元）以及一架新的士。拒認蓄意傷害他人身體，受傷司機林余駿嘅代表律師响三小時聆訊過程中，一直咬實識柔道嘅友寄隆輝，指佢係「殺人武器」，擺明想法官判重啲！

賠償再加碼
案件排期到三月十五日再審，唔想講嘢嘅Makiyo，退庭後透過代表律師向傳媒展示200萬台幣支票（約52萬港元）：「我們先拿200萬元出來，初步給司機作為調養、安家、休息的暫時性補償，至於將來實際的金額，我們會等對方提出他們的看法，其實這一筆費用，本來是Makiyo的媽媽到中國大陸就醫的醫療經費。」寧願不孝，都要賠錢先，林余駿太太聽到之後大鬧：「Makiyo拿媽媽治療癌症的費用賠我們，誰敢拿呀？」雖然賠償金額比之前傳聞加碼，但林太話唔係錢嘅問題，重點係兩個上到庭都講大話，冇態度冇誠意，唔值得原諒。 ####


現場近百名傳媒到法庭採訪，但Makiyo對所有提問都唔肯開腔回應。


友寄隆輝上完庭向傳媒派發聲明：「這一個月以來是我人生中最愧疚與孤獨的時刻……我知道錯了。」不過唔認蓄意傷人呢！



arrow
arrow
    全站熱搜
    創作者介紹
    創作者 litalife 的頭像
    litalife

    818 娛樂八掛大放送★

    stacylife 發表在 痞客邦 留言(0) 人氣()

    E-mail轉寄