close
揞名爆
「大小姐」餐廳反枱
近排城中熱話，梗係如何娶個 X億富家女！都話世界變嘞，以前大家淨係會問點樣釣金龜？依家就掉番轉嚟。不過，呢個世界有樣嘢係唔會變嘅，就係 no free lunch！
嗱，媽咪姐又舉個例吖，同樣係名門望族嘅「大小姐」，依家同老公「好好肉」好似好恩愛，講起都甜笑，睇嚟成個小女人咁。但佢哋拍緊拖嗰時，有次約出街食飯，「好好肉」唔知因乜事遲到，要「大小姐」喺間好浪漫嘅西餐廳等佢喎。 Woo，咁大膽？終於男方匆匆趕到，快步行埋張枱，諗住 say sorry。點知，砰嘭一聲，跟住枱面上啲刀叉杯碟，統統落晒地！
因為嬲到出煙嘅「大小姐」，一手就反咗張枱，再大大聲聲對住「好好肉」狂鬧。嘩，媽咪姐當時見到呢個場面，都忍唔住「驚嘆」，覺得熱愛電影嘅「大小姐」日後必定成為「偉大演員」呀！咁戲劇性嘅情節，都可以搬入真實人生噃，仲唔「堅」呀。所以話，睇嘢唔可以睇表面，都係嗰句，各取所需，你情我願囉。 
全站熱搜
留言列表
