close
我邊有嚇佢喎！（設計對白）
方 Sir咁正氣，點會虐待細路吖。
媽咪姐
方中信嚇細路
方中信一向都好認真，媽咪姐聽講佢拍新劇《仁心解碼 2》時，不時改劇本之餘，仲會教同場演員做戲。
不過，《仁心 2》嘅童星演員馮嘉文就喺微博大爆俾方中信「嚇」，小妹妹話：「 Alex（方中信）哥哥，唔好用青蛙嚇我呀，遲啲學校要解剖青蛙，過兩日拍戲我會叻啲㗎啦。」
攞青蛙嚇小演員咁大件事，媽咪姐梗係專程入電視城問吓馮嘉文發生咩事？佢解釋：「嗰場戲講我要喊得崩潰，但我喊得唔係咁好，拍咗好多 takes， Alex哥哥就話：『我拎田雞嚟㗎嘞。』其實佢都係想我喊得出啫！（你本身好驚田雞？）唔驚㗎！（平時方中信係咪好惡？）唔係㗎，佢好好人，會教我做戲。」
馮嘉文解釋方中信冇攞真田雞嚇佢，只係講笑。
全站熱搜
留言列表
