阿佘(中)知道 O Camp同學玩完好快會肚餓,所以專登搵批發商入貨,實行買 tee送杯麵吸客仔,有生意頭腦連兼職員工都讚不絕口,城大的阿 Bill(左一)說:「有次我同佘哥一齊去傾生意,我負責收訂金,點知返到去唔見咗成千蚊,佘哥冇懷疑過我穿櫃桶底,仲自己嘔番條數,咁好嘅老闆去邊搵!」
Main Camp
4科肥佬要重讀 科大 hea仔變 tee王
踏入六月,大學考試告一段落,同學辛苦完即計劃四出狂歡,不過現讀科大工業工程與物流管理系 Yr.4的佘兆恒(阿佘)卻日日忙到甩轆。
原來阿佘是團體服裝生意的老闆,全港八間大學及大專院校的迎新營( O Camp) tee,逾一半都來自阿佘公司, 23歲的他自豪地說:「單係今年 O Camp,就有超過 200個學會搵我整衫,除咗八大, HKCC、珠海、恆管、樹仁等院校都係搵我!」
開業大半年營業額已近 200萬,其他學生叫他「佘哥」,不過他卻是教授眼中的懶學生:「我唔鍾意讀書,因為成績差要 defer(延遲畢業)一年,今年 GPA都係得 1.5,勉強畢到業咋!」
阿佘和客戶關係良好,有來有往,「好似理大成德堂咁都會着晒我公司嘅衫,特登 send番張相畀我做紀念。」
Felix(左二)是阿佘的合夥人,也是科大的莊員,「識咗佢好耐,知佢做人負責任,所以同佢搞公司都好放心。」當日阿佘見有客上門,亦即時上前了解客人需求。
夾 10萬創業
瞓公司每逢 4月至 9月都是旺季,公司規模細計埋兼職只得 4人,「一到旺季就好多單,所以有時都要通頂喺公司瞓!」阿佘更補充為了回答客戶的需要,行出行入都機不離手。
蝕做搶客
讀書唔認真,但阿佘做生意卻乜都跟到足,憑住上莊時的人脈,阿佘不斷發電郵同 cold call畀不同學會:「最緊要畀到信心佢哋,為咗有品質保證,我除咗會親自去見客、返大陸睇辦,咩都跟到足外,啲同學驚啲衫縮水、甩色就畀佢哋帶返屋企任着任洗,滿意先落訂!加上我哋買件 tee會送洗頭水等贈品!我哋𠵱家連啲政府活動都有去投標,希望喺非暑假旺季都 keep到客源,公司開咗大半年都有 200萬收入。」
雖然科大出名係「富士康大學」要狂咪書,但在阿佘眼中讀書叻並非最重要,「之前媽咪都驚我畢唔到業,叫我讀好書先,將來大把時間搞生意,𠵱家佢知道公司搞得有聲有色,咪一樣讚我叻仔,其實唔係一定 GPA爆 4先有出路嘅!」
放滿貨阿佘與合夥人 Felix用 5千蚊租了觀塘工廈的單位,「雖然得 800呎,不過臨近 O Camp就有成 100箱杯麵擺喺度!」
曾經上過 hall莊和評議會的阿佘相識滿天下,除了科大,其餘大學也有他的好友,採訪當日,阿佘輕易安排到十多個朋友穿起他公司的衣服幫手影相,認真有頭有面!
密室解迷 逃出東南亞
密室逃脫真人版遊戲大受年青人歡迎,有玩家直言:「以前只係可以用電話 apps玩,𠵱家有真人版緊係正好多啦!」難怪樓上密室逃脫開到成行成市,大有市場。
Raymond
撰文:葉浩婷
攝影:何榮亮
留言列表