close
媽咪姐
阿戚飯局
講開戚其義，聽講佢離巢後，自組製作公司大展拳腳。早兩日媽咪姐喺筲箕灣東大街見到阿戚同女友簡慕華，仲有黃德斌伉儷，同埋過咗香港電視嘅麥子樂。佢哋一行十人喺飯店食咗三粒鐘，媽咪姐諗住阿戚會同啲兄弟講吓未來大計，點知佢一味想當年，一邊講仲一邊大聲笑。阿戚離開 TVB的日子，似乎都幾逍遙快活。
戚其義嘅《天與地》，早前喺《萬千星輝頒獎禮》奪得「最佳劇集」。阿戚更同陳豪（左一）、編劇周旭明（中）、女友簡慕華（右二）、黃德斌（右一）上台領獎，都算攞番個尾彩。
黃德斌最近忙於拍攝電影《風暴》，仲同主角劉德華有好多對手戲，難得抽到時間同阿戚飯敍，女友 Joyce都唔執輸來趁熱鬧。
全站熱搜
留言列表
