鄭經翰除了有「大班」的稱號外，亦有「煲呔針」及「十點前特首」之稱，大班話即使得番自己一個都希望可以維持廣播到最後一刻。而上週大班收到禁制令後，一直戴上畫上交叉的口罩（小圖）以示無聲抗議。
搜尋氣
鄭經翰 只有激情沒有悲情
鄭經翰上週在《風波裏的茶杯》，說得最多的一句說話，就是「只有激情沒有悲情」。節目中有個 70多歲的婆婆致電喊住口話「唔捨得佢」，大班忍住眼淚亦同樣回應了這一句。一手創辦香港數碼電台（ DBC），因部分股東拒再「揼水」而要收檔，最新發展是下週二（ 9日）為最後日子。
面對人生第 6次封咪，廣播生涯進行倒數，人生還未完場。瘦了成個碼的大班說：「我今年都 66歲咯，都係時候退休啦！」當下最想「同老婆去加拿大探吓三個仔！」
做傳媒機構一定要有言論自由，如果唔係做嚟為乜？正如開雲吞麵鋪一定係賣雲吞麵，唔係走去賣牛雜嘛，如果因為我講嘢令到其他股東有政治壓力，佢哋妥協我冇辦法啦！但因為咁而要犧牲成個電台，我係覺得唔值得囉， 𠵱家去到呢一個地步，我唔可以講任何嘢，因為有禁制令喺身。（上週三晚股東之一 黄楚標向法庭申請禁制令，禁止大班在電台提及有關 DBC股東間的協議）， DBC係我的心血，一個人做咗自己應該做嘅事，盡咗力對得住自己就已經夠。
DBC冇股東肯注資，大班惟有諗計出招，搞直播室開放日，每日一早都有大量粉絲到場支持大班，男女老嫩一見到大班就攬住要合照，他都有求必應，受歡迎程度與紅星冇分別。
於 DBC facebook內的最新宣傳語是「見步行步，繼續發聲至 10月 9日」的大班，實行還聲於民。
12年 2月 DBC直播中心啟用當日，除咗大班靚太勞錦嫦（右二）撐場，仲有一班股東如李國章（右一）、 黄楚標（左一）等亦有出席開幕儀式，有誰估到唔夠一年玩完。《蘋果日報》圖片
我冇得怨任何人，係自己責任，只可以怪自己當初遇人不淑，被朋友出賣。我主要係被李國寶出賣，我對佢係好失望，我哋本身係好朋友，最初係佢鼓勵我去做，撐我做電台，只怪我信錯咗人，對朋友之間的感情太執着，不過點都好，你問我呢一刻嘅心情，我可以答你係好平靜，好似呢幾日有咁多人嚟支持我、撐我，做人夠㗎啦，唔可以要求太多。
我都 66歲咯，都係時候退休啦，我冇諗過之後點，或者休息一排，先排期做手術醫番好腳患問題，之後去吓旅行，同老婆去加拿大探吓三個仔！有人問我第時會唔會搞獨立媒體或網台，我唔諗啦，搞掂好 𠵱家先啦！ 
留言列表
