打就企定
犯眾憎罰停工 10集 珍姐密室公審朱慧敏
無 綫小生花旦買少見少，造就其他姐仔上位機會。 04年入行 嘅朱慧敏，除 咗係金牌監製戚其義愛將，亦得 TVB製作部總監曾勵珍（珍姐）賞識， 喺處境劇《愛．回家》首次 孭重飛做女主角。恃住有高層力撐，亦開始傳出朱慧敏擺阿姐款，導致台前幕後員工都怕咗佢。
事件傳到珍姐耳邊，據知珍姐於前週三（ 1日）急召《愛》劇全體演員、導演及助導開公審大會，茅頭直指朱慧敏，當眾鬧她：「你顧掂你自己先啦……」
知衰
朱慧敏上週五（ 10日）為《愛．回家》開廠，對於被珍姐鬧一事，她說：「珍姐叫我改嘅嘢，我一定會改……我事後仲同佢哋坐埋一齊傾偈！」
31歲朱慧敏 04年港姐亞軍出身，一直做花瓶或者壞女人角色，入行 8年終於修成正果，被珍姐睇中於處境劇《愛．回家》 孭重飛，首次做女主角。難得上位，據知朱慧敏亦得意忘形，恃住自己拍過吓電影，台前幕後都擺阿姐款，教人做戲，令《愛》劇台前幕後人員都開始討厭佢。
逐個訓話
朱慧敏 喺《愛．回家》台前幕後人緣一般，不過佢同前 EO2成員 Eddie感情穩定，返屋企有男友錫番唔使愁。
一傳十、十傳百，事件傳到珍姐耳邊，於是珍姐於前週三（ 1日）發通告要求所有台前幕後到 TVB大樓 7樓大房開會。
表面係劇集進度大會，實質係清算朱慧敏。據知大會長達近兩個鐘，珍姐當日逐個演員開名評論。先讚劉丹、郭少芸；再讚徐榮、蔣家旻。當時氣氛輕鬆，珍姐仲會講吓笑，但輪到朱慧敏，珍姐即刻太后上身，她說：「我對你好失望……你以前都唔係咁，你顧掂你自己先啦，以後唔好教人做戲喇！」其間朱慧敏想解釋，珍姐都唔畀機會：「你唔使解釋喇，我心中有數。」
「我會好好改善」
朱慧敏今次真係玩出禍，除 咗俾珍姐當眾鬧之外，據知戲分亦遭刪減。《愛》劇原本有一段佢同黎諾懿的感情 綫，當中涉及十幾集戲忽然冇下文，反而開頭只得半集戲分、演黎諾懿前女友的朱璇，就多 咗十幾集戲，隨時取代朱慧敏。
戲分忽然被 cut朱慧敏亦知衰，上週五（ 10日）為《愛．回家》開廠時表示：「其實 嗰次係進度會，（珍姐係咪當眾鬧你？）珍姐講 嘅 嘢，對我好正面！我會好好改善！（珍姐叫你唔好教人做戲？）我做戲咁渣，點會教人做戲呀？我真係唔敢呀！總之珍姐叫我改 嘅 嘢，我一定會改！」朱慧敏畢竟係醒目女，識改咪好囉！
《愛．回家》棉裡針
真實對白
黎諾懿
大家互相提醒吓啫！唔算教我做戲！
徐榮
我撐佢㗎！大家唔了解佢啫，唔熟佢就以為佢好寸。
蔣家旻
大家好少同場，見到面 hi同 bye咋！
朱璇
大家唔算熟啦！
黄子雄
同佢唔算多聯絡，但佢冇教過我做戲。
李霖恩
佢點敢教我做戲呀？但又唔係話好 friend囉！
2小時公審大會
Cut剩 office
據知朱慧敏同黎諾懿原本有十幾集感情戲，會在 40集左右播出，不過朱慧敏態度有問題，感情戲亦被珍姐下令 hold起，惟獨辦公室戲分得以保留。
朱璇攝位
朱慧敏戲分被 cut，反而飾演黎諾懿前度 嘅朱璇原本得半集戲， 𠵱家忽然加 咗十集。朱璇話：「係呀，我原先客串㗎咋， 𠵱家我有 10集戲呀，好開心呀！」 
留言列表
