7月 25日掩面痛哭
當記者提到分手原因是否關第三者事時，胡立即語塞，低頭痛哭。
滾熱辣
寸黃宗澤搞女 胡杏兒崩潰：我自己就冇第三者
女人要分手，向來快、狠、絕！繼張馨予怒撇吳卓羲後，胡杏兒最近亦高調宣布飛起黃宗澤，結束 8年情。坐言起行的胡杏兒，原來早已部署。據地產界消息，兩個多月前胡杏兒一擲千八萬，買大圍嘉御山 2千呎單位，極速搬離昔日與黃宗澤的愛巢晉名峰。
而胡杏兒出席記招交代分手真相時，又強調自己「冇第三者」，但談到黃宗澤，她卻突然落淚叫記者問番當事人，似暗寸對方風流。
冰封三尺，非一日之寒！黃宗澤及胡杏兒在 7月 25日的早上，與無 綫高層樂易玲接受電台訪問，自爆分手，更表示今次深思熟慮後決定和平分手。據知事件發生後，胡杏兒已第一時間通知黃宗澤母親。不過，訪問中胡杏兒強調自己沒有第三者，但談到男友時，她就語帶雙關，表示自己不能代表對方發言。
八年情玩完
胡杏兒和黃宗澤拍拖八年，大家早已認定對方為結婚對象，奈何二人最終分手收場。《壹週刊》圖片
索鼻
分手消息一出，大批傳媒趕去《怒火街頭 2》活動採訪胡杏兒，起初胡依然表現堅強，只間中掩面忍淚。
激動
胡杏兒返回休息室後，不禁放聲大哭，目擊的賈曉晨就特登攬住胡安慰她。
落淚
平復情緒後，胡杏兒再接受無綫訪問。不過訪問完畢，她情緒失控，最終再度落淚。
全城記者圍攻
愁住拍戲
宣布分手當晚，胡杏兒還要到西環拍新劇《戀愛季節》，全程笑容欠奉。
同日下午，胡杏兒出席《怒火街頭 2》時，即被全城記者圍攻。對於兩人分手原因，胡雖然三緘其口，但言談間卻暗寸男方有第三者。
記︰黃宗澤係咪未玩夠？
胡︰你問佢啦！
記︰佢話會改變自己嚟俾信心你，會等你！
胡︰唔好講到咁！
記︰今朝電台訪問時你好似唔捨得？
胡︰ sorry呀！（忍唔住激動落淚）我唔想咁樣，我想大家都係成年人，想好平靜咁去處理件事。對唔住，我唔想搞到好似好大件事。
記︰有冇諗過一個好 啲 嘅方法公開分手？
胡︰唉 吔！有諗過……一路都諗緊點公開……我唔想咁樣講佢唔好。
記︰係咪和平咁分手，有冇第三者？
胡︰唔想交代得咁清楚……希望俾多 啲空間我 哋，我 哋拍拖 嗰陣已經冇空間！
記︰咁有冇得 掹？
胡︰（深呼吸）大家做番朋友。
記︰話佢有第三者喎！
唔想大家揣測
胡︰我同佢分開 咗，唔可以代表佢講 嘢，我只可以代表我自己，我就冇！我唔識講……其實我 哋好耐冇見。
記︰佢好保護你。
胡︰都希望大家唔好咁多揣測，一路都好怕面對，諗 咗好多方法，應該點呢？都好多個月（又深呼吸）。
記︰你有冇搬走？
胡︰未！其實我 哋唔係一齊住，自己有自己屋企，又唔係去到決裂。
澤杏戀八年以來，每每因男方風流多次鬧分手。去年兩人拍內地劇《跑馬場》時，黃宗澤趁女友返港宣傳《怒火街頭》，竟搭上女助手。事後劇組有人報寸，胡杏兒即時爆火，飛返內地與男友吵大鑊。
拍拖放狗
本刊去年 4月還拍得二人孖住帶愛犬到九龍城寵物店。當時二人更情侶裝遊街，慌死冇人認得。
黃宗澤和胡杏兒不時以情侶檔上陣銀，二人試過收七位數字拍攝婚紗廣告，收到宣傳之效。
情變約法三章
據胡杏兒友人透露︰「 嗰次杏兒真係好傷，喊晒同我呻︰『明明知道佢同第二個女人 瞓埋一張牀，你話我幾難受！』 嗰次足足喊 咗兩粒鐘至收聲。後來 Bosco（黃宗澤）番掂佢，但胡杏兒講到明，同佢約法三章， Bosco亦應承唔會有下次。」
其實多年來黃宗澤風流史厚過本電話簿，不過胡杏兒一向 EQ甚高，每次男友傳緋聞，她都十分識做為對方打圓場。不過，今年兩人拍劇各有各忙，胡杏兒由去年十二月尾，返大陸劇接劇拍《金玉滿堂》及《辣媽俏爸》，與男友半年來聚少離多。
年初見完家長
黃宗澤母親年初擺 60歲大壽，胡杏兒當然有份祝賀。可惜新抱地位得以確認之際，二人已經無緣再成情侶。
《蘋果日報》圖片
《蘋果日報》圖片
搭上國產大波妹
另外，有傳黃宗澤 6月赴上海拍《麵包樹上的女人》時，與劇中女主角柳岩火速撻 着。擁有 34E身材的柳岩，不但身材惹火，作風豪放，兩人在劇中咀戲連場，收工後更一齊蒲。
男主角黃宗澤接受電台訪問，對於分手亦大感無奈︰「我都想繼續一齊，但唔得就唔得，感覺冇 咗就冇 咗……沒有特別的原因。分手係雙方共識，冇第三者……我 喺屋企唔講 嘢，變 咗冇好好溝通……男人冇咩承受唔起，總之有咩事你 哋打俾我，人 哋愛寫乜就寫乜，冇所謂。」
黃宗澤胡杏兒難得經歷八年情，今年進入直路卻突然撻 Q，認真令人大跌眼鏡。
網友戥可惜
黃宗澤與胡杏兒證實分手後，儘管男方接受查小欣訪問時表示是雙方共識，和平分手，沒有第三者，但各網友都替他倆可惜，大部分網友更希望黃宗澤可以重新追回杏兒。
34E波妹起底
有指因國內女星柳岩介入，成為黃宗澤和胡杏兒今次分手的導火線。今年 31歲的柳岩，是光綫傳媒的女主播和演員，身高 160cm，三圍有 34E、 23、 34，加上她性感無底線，試過背部全裸拍戲，難怪迷倒黃宗澤。
經常低 V
34E的柳岩經常為國內雜誌拍攝性感相，次次低 V造型上陣，絕不吝嗇身材。
黃宗澤壓下身
黃宗澤去年和柳岩拍《麵包樹上的女人》認識，二人有大量咀戲，一幕黃更出盡力壓落柳岩下身。
傳偷嗒助手
去年有指黃宗澤偷嗒年輕女助手小琳，據知此事令胡杏兒怒火中燒，和黃宗澤嗌過大交。
杏兒反擊
男方偷嗒助手，與此同時，胡杏兒亦唔輸蝕，拍國內劇《辣媽俏爸》時和演員于波（小圖）傳緋聞還擊。
撤離舊居晉名峰
為了方便拍拖，去年胡杏兒便以 3萬 2月租黃宗澤住開、位於火炭的晉名峰，胡的單位只是高黃六層，絕對「女上男下」。
急搬新竇嘉御山
為避免同樓撞到正，胡杏兒日內便搬到新居。本刊得悉她早前便以千八萬購入嘉御山。嘉御山位於大圍銅鑼灣山道，景觀開揚。
齊齊捱
在圈中被視為金童玉女的胡杏兒與黃宗澤，拍拖八年，由當初公司反對，到最後戀情正式浮面，可以名正言順以情侶檔銀，當中二人曾經歷事業的高低起跌。當大家以為這段戀情能開花結果，可惜最後都是分手收場。
肥田冇用
港姐出身的胡杏兒 06年增肥 40磅拍《肥田囍事》成為一時佳話，但努力並未獲觀眾認同，視后一役更輸埋俾佘詩曼。
飛躍登場
拍檸檬茶廣告入行的黃宗澤， 99年加入無綫， 02年擸了「飛躍進步獎」，大把前途。
做咗胡冏
胡杏兒於《亂世佳人》及《太極》兩劇，經常喊苦喊忽，被網民封為「胡冏」。
淪為二線
不過黃宗澤之後所拍的劇集都做二、三線角色， 09年拍《珠光寶氣》，更要企歪，襯托王喜。
三料視后
胡杏兒終於在去年成為三料視后，風頭一時無兩。事業得咗，可惜感情落空。
人氣反升
黃宗澤倉底作《護花危情》反應熱烈，收視更成今年無綫平均收視最高劇集，人氣反升。
留言列表
