close


唔好話媽咪姐有偏見，但事實呢個圈嘅「雙面人」確係多！啱啱講完「假大眼」呢個「次貨玉女」，咁唔差在講埋「細眼仔」呢個「虛擬戰士」嘞。


話說佢近期準備開show，但以呢位先生一貫作風，都係同人講話唔擔心票房，鍾意睇嘅自然會買飛咁啦！咁人哋「憤怒」開㗎嘛，得閒就鬧吓個樂壇點樣商業化，梗係要型要攞威嘅。但事實又係點呢？咪就係晨早問定助手有無安排多啲宣傳？慌死無人知佢開show，勁驚啲飛去唔到囉！咁好啦， 你大哥開到聲想做多啲宣傳，咁助手咪幫佢約咗多間傳媒訪問。之但係，「細眼仔」睇完份名單， 又揀三揀四咯噃，呢間話唔做，嗰間又話唔好！OK OK，你係星嘛，咁助手都要硬食㗎啦，惟有自己打番去同啲記者賠罪，話「細眼仔」好鬼好鬼忙，唔得閒做宣傳囉。不過，你以為咁樣就真係OK嗎？「細眼仔」呢頭推完啲訪問，嗰頭又同啲相熟傳媒狂呻，話公司幫唔到手呀助手無做嘢呀，搞到自己開show都無人知喎。嘩嘩嘩，咁都噏得出，真係乜都俾你講晒啦！所以話，明星呢，有時都係遠睇好嘞。 ####


 

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄