上月19日JM出發去馬爾代夫放假歎世界，仲話「在這個寫意的地方吃一個豐富的早餐，令我更珍惜這個人生」，睇你同邊個人一齊食啫！
博乜呀 夏日炎炎，不過在香港呢啲高溫潮濕嘅亞熱帶地方，與其涼冷氣玩深閨，不如出海避暑，出身汗排吓毒。唔想掂水嘅童鞋，可以學Janice Man（文詠珊），在馬爾代夫吹海風食早餐；想「let's get wet」就學柯震東同九把刀咁夜探酒店泳池，不過小心冷親喎！
Janice Man 小島早晨
JM和張震主演嘅《熱愛島》今月1日在內地上映，上月中JM在深圳忙完內地最後一站宣傳終於放假唞唞氣。
樂瞳 海邊懷春
有份演出鍾嘉欣、陳智燊新劇《幸福摩天輪》嘅樂瞳，上週三（6日）在大澳拍外景，坐在魚排上嘅佢，好感觸咁話「重要的不是他有多好，而是他對你有多好」，真係少女情懷總是詩。
柯震東 泳池夜蒲
話自己怕熱又怕出汗嘅柯震東，因為細個在台灣嘅澎湖長大，最鍾意除咗打籃球，就係坐帆船、釣魚呢啲水上活動。啱啱上月31日佢同九把刀去海南島海口出席電影頒獎禮，佢哋見下榻嘅酒店24小時開放泳池，於是走去游咗兩個半鐘夜水。兩個柯騰都咁鍾意玩水﹗
林書豪 出海放生
NBA華裔男神J.Lin，4月初因膝頭受傷要開刀，𠵱家仲療養中而無緣作賽。今月初佢去咗墨西哥度假，仲出海釣到條勁大條嘅馬林魚，不過佢影咗張合照，就將條魚放生。J.Lin唔只球技了得，仲善心爆棚添。 ####
樂瞳嘅揀男友金句一出，近百網友留言競猜少女心事，仲問因乜咁有感而發。
九把刀和柯震東由夜晚12點半玩到2點半先肯上水，但見九把刀噴水落泳池（上圖），顧吓公德好喎！
柯震東和九把刀在「第十二屆華語電影傳媒大獎」攞到最佳新演員獎和最佳新導演獎，難怪第二晚就游夜水慶祝囉。
J.Lin雖然左膝軟骨受傷停賽，但休養之後已經康復，好心有好報，相信佢好快就可以出賽。
留言列表
