跳到主文
部落格全站分類:偶像明星
娛樂八掛大放送★
娛樂 週刊 雜誌(2014-2015)☆
娛樂 週刊 及 雜誌(2012)☆ 娛樂 週刊 及 雜誌(2013)☆
泓泓,好彩有你咋!(設計對白) 胡定欣喺《拳王》嘅聾啞女拳王角色討好,當然多師奶捧場。不過講到姣小三龔嘉欣嘞喎,媽咪姐見親佢都嬲到爭啲掟爛部電視機呀!有師奶網友仲誇,話見到佢真人,實要當街鬧醒佢。咁嚟緊大結局,睇嚟龔小姐少出街為妙。事關佢姣人老公勾姐夫上牀不特止,最後仲會殺埋人妻㖭。
嘉欣雖然俾網友圍剿,不過有男友鄧健泓公開力撐,亦有人讚佢演得出色。咁就梗係啦!大家咪睇佢淨係做《東張西望》同拍過幾齣劇,實情呢位「姣小三」係演藝學院戲劇系畢業生嚟㗎,演技梗係有番咁上下啦!
龔嘉欣喺《拳王》入面勾人老公為樂,仲夠膽死搵大婆波波講數,難怪睇到一班師奶眼火爆。 ####
師奶鬧爆
網友再插
龔嘉欣反擊
泓泓錫番鄧健泓喺微博力撐女友,仲專登上載咗女友嘅Q版公仔畫,話佢平時好似小朋友喎!
自稱「小魔怪」嘅龔嘉欣,即刻冧晒多謝「大魔頭」鄧健泓,好寃氣!
818 娛樂八掛大放送★
stacylife 發表在 痞客邦 留言(0) 人氣()
留言列表