分手後龔嘉欣情傷瘦剩 95磅，雖然早前話跟鄧健泓分手原因係性格不合，但本刊上月尾（ 26日）問 Katy，有人目擊鄧曾出現其寓所樓下， Katy即愕然回應：「唔係啩？係咪睇錯呀？」
真面目
回頭草 鄧健泓死𦧲龔嘉欣復合
97年入行至今，鄧健泓（ Patrick）歌影視都撈過始終發唔到圍，反而有「花旦港姐殺手」之稱的他，歷任女友個個靚女，但去年底同細 16年的龔嘉欣（ Katy）分手後一反常態，偷嗒「豬扒港姐」張嘉兒，搞到嘉欣 BB為情消瘦，眼濕濕暗示有人花心。
鄧健泓和張嘉兒多次被影到鬼祟拍拖，點知上月中張嘉兒被踢爆背住鄧健泓暗溝大隻男。據知張嘉兒其實一腳踏兩船，鄧健泓自知被玩後，即怒然鋸「扒」，最近更有目擊者見到鄧健泓在龔嘉欣的寓所出現，一於努力食回頭草唔怕𤓓！
去年底 38歲鄧健泓與 22歲龔嘉欣的兩年忘年戀宣布玩完後，男方火速搭上張嘉兒，經常拍得與扒為伴，可惜事隔數月，張嘉兒被撞破偷會大隻男，事後張嘉兒風騷暗示多人追，仲話同大隻男：「都有發展可能！」
5月頭訪都會駅《蘋果日報》圖片 
網上圖片 
上月中，有目擊者見到鄧健泓，在下午 1時多在將軍澳都會駅某座樓下出現，而該座數正是龔嘉欣與好姊妹姚子羚（左一）同居單位位置。
日前嘉欣 BB心情大靚，連搭港鐵都要上載微博，背心熱褲性感 look即惹來緋聞男友許家傑留言、公然與她調情。網上圖片 
上月 18日嘉欣 BB在微博上呻自己大喊咗一場，似有弦外之音， 2日後的「 520日」隨即收到大束玫瑰，仲公開謝謝「你」讓嘉欣 BB過了完美的一天，呢個「你」係鄧健泓定係另有其人？網上圖片 
被玩斬扒
荃灣過夜去年尾同嘉欣 BB分手後，同月鄧健泓即被多次斷正同張嘉兒密會，更曾拍得兩人拍拖睇戲，更到男方荃灣寓所過夜，今年初兩人齊齊運動裝食飯食足兩小時。《蘋果日報》圖片
頻訪舊愛
張嘉兒保住舊愛棄新仔，鄧健泓當日疑似棄舊迎扒變傻仔，冇事業冇愛情的鄧健泓，據知有意翻兜前度，早前有居民目擊鄧健泓在龔嘉欣的將軍澳都會駅住所樓下出現，疑似為復合做準備。
本刊早前就鄧健泓翻兜一事問及龔嘉欣，佢愕然咁話：「唔係啩？會唔會睇錯呀？同佢（鄧健泓）喺電視城見到都會傾吓公事嘅，私事就冇喇！（同鄧健泓有冇機會復合？）應該唔會住喇，𠵱家努力工作為先！」睇嚟今次鄧健泓要唱番佢首舊作〈如果有神〉，等上天打救佢先得！
10年鄧健泓同嘉欣 BB因拍攝《隔籬七日情》而撻着，更共賦同居於鄧在荃灣樂悠居的家中。 
鄧健泓同舊愛李詩韻在《情越海岸線》再做過氣情侶，難得二人冇尷尬。
豬扒港姐桃花多
偷會大隻男上月中張嘉兒被撞破同大隻男在 ifc行街睇戲，期間張嘉兒左閃右避，似乎好怕見光。《蘋果日報》圖片 
《飛虎》撻着鄧健泓與張嘉兒（右）被指是在去年拍 TVB劇《飛虎》時撻着，鄧不時做柴可夫管接管送。
新嘉欣 BB
繼姓李、林、鍾的嘉欣後，龔嘉欣亦被稱為「第四代嘉欣」，入行 7年，近年 TVB鬧演員荒，嘉欣 BB亦漸受 TVB力捧的花旦之一。
《金貳》好評在《金枝貳》中，龔嘉欣飾的木都兒一角，亦有網友讚她演技大有進步。 
長撈長有龔嚟緊在 TVB中亦有兩劇在身，《師父，明白了》及拍攝中的《守業者》，相比舊愛鄧健泓在《傳愛事務所》中只得一閒角，際遇好好多。《蘋果日報》圖片 
採訪、撰文、攝影：娛樂組
留言列表
