貌似上屆季軍朱千雪的大熱 Virginir於將軍澳調景嶺坐 TVB接駁小巴入廠。在小巴站面對大批追訪佢嘅傳媒,保持微笑的 Virginir相當淡定,更只肯答自己英文名叫 Virginir(處女?),講多個姓或一句半句都唔肯,準備功夫做到足!
真面目
首回合 港姐真人 show 飛釘咪神霸位
近年港姐被人笑係豬扒選美,一年差過一年,不過自上年開始有進步。港姐今年口號係「超越想像」,去勻歐亞八大城市取景,環球世界吸引到高質佳麗,據知 TVB先安排 400人面試,海外佳麗佔 70人,當中碩士、博士更有超過 10人。學歷質素之高絕係歷屆之冠。
週一( 10日)進行的首輪面試,更出現飛釘咪神。穿着粉紅連身裙的大熱門 Virginir,暫時跑出,除咗樣子甜美,身材更相當豐滿;次熱就係一副 model格的 Jenny,甚有何家三房千金何超雲影子;最驚喜更有《 FACE》 2011年 UStar校花冠軍 Mercury(陳雅欣)戴黑超面試。無綫今年亦會繼續玩真人騷直選,更由觀眾決定邊個入決賽。雖然上年搞到冧 server,但無綫仍繼續冒險,希望到時唔好出醜就得喇!
大熱組
巨咪朱千雪
首日面試 Virginir帶埋阿媽出動,不過最搶鏡都係佢件飛釘戰衣及迫爆上圍,要成為今屆港姐咪神應該冇難度。
第一日就成為大熱, Virginir面試完即刻變巨星,夜晚戴黑超,又孭 Gucci袋、着涼鞋,有啲似自由行喎。
巨星 UStar
25歲陳雅欣( Mercury)喺香港教育學院幼兒教育畢業, 11年時贏過本刊 UStar大專校花校草選舉。呢日佢戴住巨星 feel黑超見記者,死都唔肯除,當然係驚被認出。
最索空姐
24歲 Giselle任職香港航空空姐,喺英國 Greenwich大學商科畢業,對答大方,絕對係入圍之選。
苗條超雲
貌似何超雲,但個樣靚好多同瘦好多的 Jenny,除咗講名之外其他資料都唔透露,未紅先囂,絕對有做星嘅潛質。
留言列表