茵媺聖誕開刀上週六本刊發現陳豪同陳茵媺由大埔比華利山別墅新竇出發到舊居將軍澳都會駅,兩人從停車場行返上樓,其間見到記者又主動打招呼,就嚟做老豆心情勁靚。 

封面

now發牌即搶 急撲奶粉錢 陳豪拉隊逃亡

電視台大戰未完,雖然對 TVB構成最大威脅的香港電視攞唔到牌,但成功申請的 now亦來勢洶洶,盛傳會向 TVB一班小生埋手,以天價搶人。
除了本地有對手,內地幾間娛樂公司都對將於明年初約滿 TVB的陳豪有興趣。據知陳豪極希望能北上賺人仔,更已跟內地最大娛樂公司華誼兄弟及海潤初步接觸過,其中以華誼的機會最大。至於同樣下年約滿的林峯、吳卓羲,亦將齊齊離巢,向強國出發。
親生仔走得就走, TVB擊退王維基後,仍有隱憂。

 


扶到實陳茵媺有咗約 8個月身孕,所以陳豪亦對老婆照顧周到,老婆落車時更扶到實一實,恩愛到暈。 

00年加入 TVB的陳豪, 13年間成為最賺錢小生, 07年更憑《溏心風暴》做埋視帝。不過 TVB出名人工奀兼自由度低,明年 1月便約滿,兼就快做老豆的陳豪已密謀離開 TVB,往外邊搵大錢。

now華誼鬥爭

據知現時有多間公司希望將陳豪收歸旗下,其中包括去年撬走 TVB兩大監製劉家豪、梅小青的 now、亦即李澤楷電盈旗下。
據知成功獲得發牌後,電盈旗下的免費電視「香港電視網絡」將會主力拍劇,由劉、梅夫妻檔招兵買馬,繼早前搵周麗淇同林峯拍《大漢賢后衞夫子》,最近想以「部頭」形式,力誘陳豪過檔。
雖然梅小青早在陳豪未紅前已點名搵佢拍《洛神》,劉家豪則邀拍《溏心風暴》令陳豪攞視帝,兩公婆都對陳豪恩重如山,但據知陳豪現階段仍心大心細,另外亦有機會與內地娛樂公司簽約,全力賺人仔養家。
「阿 Mo開到口話想上去拍劇好耐,但公司係都唔放人,搞到佢見財化水好冇癮!佢仲有幾個月約滿,內地嘅華誼、海潤同多間經理人公司都想向佢招手,不過阿 Mo講明要有足夠時間陪屋企人同埋多啲時間打理自己生意,呢方面華誼講明冇問題!當然家豪哥知道正式攞到牌後,更加密密搵阿 Mo斟啦!」知情人士透露。

陳豪多人爭

陳豪同梅小青(左一)、劉家豪(右一)曾經合作無間,所以 2人亦力邀陳豪過檔,不過陳豪想返內地吸人仔多過留港拍劇。


《壹週刊》圖片 

 

07年,劉家豪監製的《溏心風暴》,陳豪做「得得哋」做到攞視帝。

 

02年,陳豪仲未係師奶殺手,梅小青已欽點佢拍《洛神》。

 

內地的「華誼兄弟」極有地位,連黃曉明都屬旗下藝人兼持有股份,如陳豪加盟,對佢打開內地市場非常有幫助。


網上圖片 

小生大暴走

除陳豪明年 1月約滿,林峯同吳卓羲亦於明年相繼滿約,隨時走得!如果樂大媽唔夠牙力留人,加上返內地拍劇賺人仔勁吸引,分分鐘呢班一線小生走晒, TVB就要靠班一線尾二線頭小生撐住。

林峯簽 Paco

同 TVB仲有半年合約,林峯已擺到明唔想留低,放晒風未傾新約。有傳黃百鳴想將佢收歸旗下同吳千語情侶檔搵銀,但據知最後林峯決定簽約 Paco的太陽娛樂,同時亦會同老友、剛離開 TVB的鄧智偉搞工作室做幕後。就算唔再做幕前,林峯仲可以返廈門接手父親的幾十億地產王國!皇帝仔完全唔使憂。


上月黃百鳴兒子婚禮上, Paco跟林峯非常好傾,林峯仲介紹千語 BB畀對方識。 

鄧智偉上週在微博宣布離開無綫,另謀出路。據知,佢好大機會會同林峯搞音樂工作室。 

吳卓羲搵人仔

00年入讀 TVB藝訓班,撈足 13年雖然多人識,但做極都上唔到男一位嘅吳卓羲已意興闌珊,未出街的《叛徒》中更淪為配角,戲分少過陳展鵬,比起同期的黃宗澤、林峯、馬國明等,始終爭半班。據知吳卓羲覺得自己不受重用,已打算約滿後唔再續約,由於 10年拍完《大丫鬟》後在內地略有名氣,極有可能簽畀內地經理人公司。


上週《衝Ⅱ》設慰勞宴,吳卓羲遲到兼早退,仲大大聲同記者講:「我唔想嚟添呀!」博炒咩? 

上星期為新劇《忠奸人》拍外景,吳卓羲打到成面汗,可惜都係爭輸畀郭晉安,又做唔成男一。 

「係好多人搵我傾過」

連金蛋陳豪都有機會走人,樂易玲早前拍晒心口話一定留到人,「佢係好多人爭,但我好有信心佢一定同我哋續約!」不過陳豪就唔肯夾口供,講到明想北上發展賺奶粉錢,「係好多人搵我傾過,不過 TVB係我首選。呢啲問題暫時唔諗住喇,等 BB出世先啦!(之前又有傳你會同現時個經理人自組公司?)真係未諗住!(想唔想返內地發展?)當然想啦,不過要睇劇本,價錢唔係我最首要嘅考慮!」
搵埋大把唔講錢,陳豪呢刻最緊張,當然係聖誕開刀生 B仔嘅老婆茵媺同寶貝仔啦!

合體賺百萬

人氣夠又多話題,陳豪兩公婆合體為文華東方酒店做嘉賓,輕易袋走 1百萬!

28/10

週一( 28日),陳豪又再孖住鍾嘉欣出活動,不過件外套上星期六同老婆去街先着過。隔日就有活動搵埋唔少,乜咁慳家呀?

視帝失手

同黎耀祥孭飛的《法外風雲》收視一般,平均只得 26點。

 

雖然明年約滿 TVB,但陳豪仍為明年劇集巡禮拍宣傳片,喺《陪着你走》同飾盲妹嘅杏兒演情侶。

月執過百萬

婚後,加上就快做老豆,為吸奶粉錢,陳豪狂接 job,單喺 10月便以「單飛」接咗 7個活動,以每個活動約收 15萬計,陳豪唔使 1個月就輕鬆袋百萬。

單飛收廿萬

決定由加拿大返港安胎的陳茵媺,在活動上自爆佗仔,預產期係聖誕至新年期間,「佢鍾意幾時出世就幾時出,唔會擇日生!」但據知,陳氏夫婦已擇日聖誕期間,開刀生仔。

2014靠晒你

三大小生走晒,無綫惟有不斷靠第二梯隊同外援食糊,不過外援中最大名氣都係得吳啟華,想睇梁家輝同張家輝應該有排等!

上位小生組

 


黃宗澤:《貓屎媽媽》、《點金勝手》 

王浩信:《貓屎媽媽》、《天眼》、《師奶 madam》、《再戰明天》、《愛我請留言》 

外援大叔組

 


吳啟華:《 M Club》、《再戰明天》 

苗僑偉:《使徒行者》 

採訪、撰文、攝影:娛樂組

arrow
arrow
    全站熱搜

    tvb4life 發表在 痞客邦 留言(0) 人氣()