任葆琳慘變天殘腳繼續濕平
【傷步如飛】
■任葆琳前日脹爆行街，右腳仲着咗保護鞋，腳傷都影響唔到佢濕平嘅興致。
【銅鑼灣】曾幾何時鬥靚出身以索見稱、現年39歲被稱為「哈佛小甜甜」嘅任葆琳，早年每逢電影首映禮都逢請必到，不過近年養尊處優好少喺公眾場合見佢出現。女人一少見人就會開始放縱自己，唯一唔變嘅就係濕平，呢樣係女士嘅天性。
送Goodbye Kiss
前日下晝6點鐘左右，見到暴脹咗成個圈嘅任葆琳隻身去到銅鑼灣，一身鬆身裙嘅佢依然難掩肥大嘅身材，不過最突出仲係佢隻右腳着住隻保護鞋行街，都話買嘢係女士生活不可少嘅一部份，所以佢行咗入Francfranc家品店，對啲擺設、屏風同啲廚房碗碟好有興趣，拖住腳傷都行咗成40分鐘，難得係佢仲行到健步如飛。
【不停擤鼻】 
【唔使人扶】
任葆琳買咗一大袋戰利品準備離開嘅時候，佢喺門口撞到個有小肚腩嘅相熟男性友人，該名男性友人同行似乎仲有一男一女助手。嗰位男士好有風度見到任葆琳腳傷攞住重嘢，即刻幫佢將袋戰利品交畀助手，中途任葆琳落樓梯嗰陣，位男士一直伸手想扶佢，但係佢就堅持自己行，真係厲害。
男友人一直送任葆琳返到部7人車，任葆琳嘅司機好醒目，即刻接手攞晒老闆嘅戰利品，臨走任葆琳向位小肚腩男士握手道謝之餘仲送上一個goodbye kiss。
採訪、攝影：梁繼光
【收穫豐富】 
【吻別好友】
全站熱搜
留言列表
