神呀！救救我吧！（設計對白）
周三晚，陳振聰臨離開法院前明明同記者談笑風生，但一出法院面對半百鏡頭，即刻又寒晒背，扮番「龜仙人」。唔多連戲喎！
媽咪姐
陳振聰判決前夕 搵林以諾三陪
陳振聰涉偽造遺囑案嘅審訊過程有聲有畫、沒有最肉麻只有更肉麻，媽咪姐淨睇報道都睇到打咗十萬個冷震！不過，點都要追，唔係成班靚太 high tea時，搭唔到嘴就唔好啦。
龔如心同陳振聰呢段 92年開始嘅孽緣，搞到全城轟動。希望隨住偽造遺囑案有埋判決，成件事可以告一段落。龔如心唔使再俾人拎出嚟「播」，得到安息。
嗱，真係咪話媽咪姐淨係掛住食，唔做嘢！周一（ 1日）收到風話林以諾牧師去陳振聰屋企通宵陪伴，齊齊祈禱求神。《忽周》記者晨早 9點即刻衝去陳振聰嘅貝沙灣豪宅前守候，直到下晝 3點幾，果然見到林牧師坐住陳名下嘅七人車從貝沙灣出嚟，去到 ifc落車走人。現場見佢個樣真係有啲攰，亦封嘴唔答問題。睇嚟陳振聰為咗單官司應該好愁吓，要林牧師通宵 non-stop開解。
之後兩日（ 2日及 3日），訴訟進入最後階段，陳振聰都叫咗林以諾陪佢上庭。林牧師基本上亦陪足全程，神嘅愛真係偉大！唔知係咪自覺有神打氣，成日喺法庭外以死狗樣示人嘅陳振聰，周三（ 3日）晚知道陪審團傾咗成日都未有結果，須留守法庭商議，要周四（ 4日）再開庭判決後，即時鬆一鬆！仲喺法院內笑住話自己有祈禱。問到對單官司有無信心，佢望一望律師團隊就話：「我向簡 Sir（律師）求救呀！」跟住笑笑口補充：「我無擰頭㗎！」
咦，真風騷喎！之不過，轉頭佢一出法院，知有大班攝記影相，即刻又寒背龜縮噃。 Well，有無咁好戲呀！
陪聽判
周三，林以諾牧師諗住陪陳振聰聽判決，點知陪審團商議到夜晚 8點幾都話無結果，要退庭再傾。佢真係留到最後先走㗎！
陳妻譚妙清連日嚟都有去聽審，但依然一見記者就黑面，同陳振聰嘅表情唔多夾囉。
陪過夜
周一下晝，林以諾坐住呢架黑色七人車，離開陳振聰嘅貝沙灣豪宅。問林牧師通宵陪陳振聰傾啲乜？佢都無回應。
陪
聽審
唔知大風水師陳振聰係咪得到另一「高人」指點，連日出庭都以呢個寒背 look示人。周二，佢又扮「龜仙人」步出法庭，而老婆譚妙清就特登由側門出，避鏡頭。
周二，林以諾又着晒西裝去法院陪陳振聰聽審。大熱天時，你都咪話唔辛苦。
相比陳振聰，陳太確係真性情。一離開法院上車，急不及待拎個電話出嚟篤篤篤，無電話慘過無老公。
陳振聰私生女倫培珍亦有去聽審，步姿仲學足阿爸，縮膊又寒背！唔通又係「高人」指點？
謝偉俊：冇得再爭產
留言列表
