So Comment

啱晒香港人合尺  L'altro

打尖!
本預備繼續介紹元朗西餐,點知 L'altro的主廚由意大利飛到,立即去擦一餐先, Philippe係位米芝蓮兩星廚,自己係法國人,娶了個意大利老婆,搬埋去意大利,煮埋意大利餐㖭!我問佢要唔要娶埋我,學煮中國餐!!!佢一句英文都唔講,但風趣好玩,真襟撈!
所以今期打尖,下期至同你講元朗法國、德國、美國餐吓!

知己知彼,百戰百勝!

好多外國嚟煮西餐嘅廚師最失敗嘅地方係唔了解香港人心態。香港人食物唔使多,最緊要精,快!價錢貴貴都冇所謂。
但往往佢哋 plan十個,十二個 course dinner,食極都唔完,悶到大家暈!愈坐愈飽,就算美食當前,都會覺得唔好食。
香港人好得意,鍾意快快食完,一班朋友坐喺餐廳繼續飲,繼續「嗲」就係自己嘅選擇,食完可以 Hea多兩個鐘,但你食極都唔完,監我坐喺度唔走得就立即唔鍾意!
Philippe的 menu原本有 9個 course$1,388,佢好似心有靈犀,特別為我設計一個 dinner menu 6個 course, Just good!


Amuse bonche(小食)

紅蝦漢堡加豉油 foam,好食, foam亦同個蝦好合得嚟。只係個杯難拎啲食物上嚟啫。

Ilokkaido scallop

Ilokkaido scallop超水準。 scallop煎到咁,我哋常見,但一切落去就知分別,面頭那燶燶的原來係脆的,脆到好似蝦片咁脆喎!點煎呢?!於是問 Lá ltro的廚 Antimo,佢話係一片薄薄的 brioche(麵包)於在鑊底,然後放上帶子,帶子熟了便會黐住那片薄 brioche,好正!

Red crab oyster jelly w/ carian

好腥,係 oyster味,我自己覺得 oyster真係要成隻食先至食到海水味,蠔嘅鮮甜,同埋最過癮嗰「泡」嘢!而且佢哋拆咗啲蟹肉又切碎啲蠔,咁就出事了,因為有啲碎, may be係蠔殼?蟹殼?

Quail

細細兩個髀, very nice!少少 honey包住,好!

Home-made pasta+ clam

味道好,係我個人口味唔鍾意食 Home-made pasta啫,因為一定唔煙韌,腍腍的,我唔鍾意。

Seabass

Seabass哈哈,其實每樣少少都飽了,後來佢話仲有魚,我唔想掃佢興,食埋魚啦,真可愛,個 Seabass兩啖可以食完!煮得 just right,正!

 

正想話唔食甜品時, Philippe同 Antimo拖咗個雪糕山出嚟,係 homemade Gelato! my favorite,點可以 say NO呢! Philippe用佢 grandma serve佢的方式。由雪糕山腰向上刮至頂,放入杯內,再加 strawberry,全晚的高潮為了那個 gelato都要去多幾次 L'altro。
全晚好滿意。飽,但又唔係飽到唔郁得,由 7:30到 10點走,正!每人九百大洋!全部合乎香港人口味!

 

L'altro
地址:中環皇后大道中 139號 The L Place 10樓
電話: 2555 9100

 

蘇施黃
資深電台人,天生異「口」,除了講嘢叻,食嘢同樣嘴刁,近年開咪、上電視做主持都不離教人食得精,吸引大批粉絲跟佢搵食。


攝影:蘇施黃

arrow
arrow
    全站熱搜

    tvb4life 發表在 痞客邦 留言(0) 人氣()