句句金

句句金

戀情冇着落,苟芸慧近日積極修身,期望搣甩「肥苟」惡名。
叫靚苟得唔得?覺得(肥苟)有少少傷自尊。

花名呢樣嘢,邊有得自己話事㗎?你想人哋改口,好簡單啫,你減肥成功,到時咪唔嗌囉。

 

苟芸慧多次否認跟郭富城嘅緋聞,問到佢會否唔攻城轉嗒同場嘅黃宗澤,佢即時耍手擰頭:
乜都唔攻,攻電視城!

你唔攻啫,或者人哋想攻你呢,假假哋都係一個女神呀,雖然肥咗啲啲……

 

無綫早前開聲希望一班過檔嘅甘草演員回巢,仲表明會改善員工福利。不過已跳槽香港電視嘅黎彼得炮轟無綫:
我離開呢間電視台,都唔止係失望咁簡單,而係討厭嘅地步。依家先至改演員福利,遲晒啦。

遲到好過冇到。再講吖,依家政府又未發牌,香港電視再好福利都冇用!

 

陳慧琳( Kelly)助手 Leo跟鍾楚紅傳緋聞。 Kelly早前出席活動笑指件事好流,
乜咁低估紅姑呀!

即係話自己個助手襯唔起紅姑啫。邊有人咁幫「理」不幫親㗎!


 

只得十個月嘅「嬌 K戀」玩完,阿嬌似乎未被情傷所困,仲喺微博借佛偈抒情,
我們一齊曾經快樂過,別問是劫是緣,皆是緣份。

阿彌陀佛,睇嚟嬌施主已經大徹大悟,成功放下啦。

arrow
arrow
    全站熱搜

    tvb4life 發表在 痞客邦 留言(0) 人氣()