close

媽咪姐

官太愛鬥艷

時裝嘅嘢只要夠大膽，分分鐘撞出新潮流。中國國家主席習近平太太彭麗媛被點名大讚衣着出色，香港唔少高官夫人亦急起直追，鬥搶鬥突出。上周六（ 25日），立法會議員田北辰三女田植鏘出嫁，大堆政圈名人俾面到賀。當晚婚宴筵開 50席，個個悉心打扮出動，唔少太太們仲棄用正路嘅 formal look，着到成隻彩雀咁，實行有咁 young得咁 young，力谷潮氣！

 

郭妤淺　鮮紅晒罅
唐英年太太郭妤淺一襲碎花裙，青春咗唔少。心口大 V領仲露出微微事業線，好鬼 sharp醒，不過髮型就依舊咁悶。

 

唐青儀　全藍突圍
平日打扮斯文嘅梁振英太太唐青儀，當晚繼續扮得老正見人。佢以淺色套裝刻意襯埋彩藍甲油， full gear上陣好過火。

 

伍嘉敏　一味夠黃
立法會主席曾鈺成太太伍嘉敏繑實老公進場。黑撞黃嘅套裝搭埋同色手袋仔，夠晒養眼，不過造型同老公唔多夾。

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄