苟芸慧 lunch time落樓下間便利店，唔係買小食，而係買礦泉水，勢要節食擺脫「肥苟」惡名。 

媽咪姐

苟芸慧飲水飽

為咗 keep住女神地位，避免再俾人叫「肥苟」，苟芸慧已經開始努力 keep fit。早前，媽咪姐見到佢喺屋企附近便利店，明明喺 lunch time，不過佢冇買嘢食，只係買咗支礦泉水咁大把。飲水當午餐之後，就搭的士去咗又一城恤髮兼「濕平」。

 

行咗幾個鐘，一直冇食過嘢嘅苟芸慧，終於餓到頂唔順，不過佢仍堅持唔食，只係買咗杯咖啡頂肚。其實齋飲唔食好容易餓壞胃，加上咖啡又 cream又奶又糖，都好高熱量㗎苟姑娘！


苟芸慧之後再到時裝店買咗兩件衫，佢不時同相熟店員吹水，亦放下戒心，除咗黑超。 

最後苟芸慧都係頂唔順，買咗杯熱咖啡醫肚。佢喺 cafe及候車期間，都不停打電話、傳短訊，仲傾得鬼咁開心，唔知係咪同城城傾呢？

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄