close
分手後首次曝光嘅安志杰，面對傳媒欲言又止兼且頻頻抹汗，表現緊張。
媽咪姐
謝婷婷有冇第 3者？ 甩拖安志杰：我唔想講喇！
安志杰上周六（ 5月 25日）宣布同拍拖 4年嘅謝婷婷分手，有指男方更因為情傷而避走美國。
好喇，望穿秋水，安志杰終於返嚟喇。周三（ 5月 29日），佢出席活動首次回應事件。佢話自己心情 OK，由美國返嚟至今，既冇聯絡婷婷亦冇再搵老死謝霆鋒，佢仲取消埋關注婷婷嘅 Instagram，以免睹物思人之餘，似乎更想同謝氏一族撇清關係。
最吊詭，係記者問佢分手有冇涉及第三者時，安志杰猶豫咗一陣：「應該冇啩！」之後諗一諗又補充：「我唔想講喇！」咦，咦，咦，莫非有內情？不過任憑記者點追問，佢都冇再透露詳情，只係用普通話講咗句：「緣份已盡！」再 nicam廣東話：「緣已盡！」三四粒字暗示此情不再，同時亦唔會復合。
當問到有冇第三者時，安志杰一臉沉重，闔埋眼沉思咗一陣先答，似乎想維護婷婷但又唔想講大話。 
安志杰同婷婷拍拖以嚟，一直好 sweet，甚至幾度傳出婚訊。不過有指婷婷嫌男友沉迷打機，錯失拍攝《一代宗師》嘅機會，令兩人冷戰繼而分手。 
以往二人最鍾意喺 Instagram傳情，但分手後互相取消關注，婷婷有婷婷上載黑白貓照（左圖），安志杰則發放獨自玩狗相（右圖），各走各路。
全站熱搜
留言列表
