Gaile Lai青黃色綴水晶入膊背心裙$25,300青黃色短褲$5,300水晶耳環$8,150all Gucci
cover face
樂基兒 無重狀態
三個月前， Gaile應邀拍攝封面，當時，她已搬去印尼峇里，每日做瑜伽、滑浪和瞓覺，除了寫意，我沒有別的形容詞去介紹其當下生活了。
她曾言，一生人最怕承受壓力，理應避之則吉，唔睇唔理唔諗便是了，很鴕鳥，卻很管用；婚變之後，流言四起，她選擇一次過當眾交代清楚，然後，揮一揮衣袖，撤出香港，除了搵錢，一概不回頭。
簡單人，簡單方法。
談戀愛亦然，普通一個男朋友（大抵當日黎明在她眼中也不過是一個普通男朋友而已），大家啱 feel，相親相愛，再加一、兩樣相投興趣，日子輕鬆地過，這種狀態，沒壓力沒牽掛沒負累，想點就點，最快活。
曾經滄海，找回自我，她的現況，便是如此。
Profile
Gaile Lai
原名：黎嘉儀
出生日期： 1980年 8月 22日（處女座）
出生地：澳門（父為中國人、母為越南人。）
身高： 5呎 8吋
體重： 110磅
三圍： 33-24-34
語言：廣東話及英語
學歷：香港藝術學院藝術系學士
簡歷： 1歲，隨家人移民美國三藩市。 14歲，兼職模特兒，曾於紐約時裝周行騷。 18歲，來港發展。 08年，跟黎明結婚。 12年，二人離婚。
主要作品：廣告「和記手提電話」（ 00），「修身堂」（ 07），「 Neutrogena」（ 08-13）。電影《 I do戀性世代》（ 01）。
模特兒公司網頁： http://www.calcarries.com.hk 
在香港，明知有狗仔隊跟蹤， Gaile仍冇有怕走去滑浪，有姿勢有實際。《蘋果日報》圖片 
度假回港，交代婚變，頓成淚人，與這身陽光膚色很不搭調。《蘋果日報》圖片
冇人想離婚
一波未平，一波又起，結束一段婚姻，又傳 Gaile跟外籍新男友 Cuz打得火熱，甚至想再婚，斷估結婚唔同滑浪，唔使浪接浪啩！「如果再揀，（感情事）我會 keep it personal，唔再公開……」
然而，愛情滋潤身心，有好過冇， Instagram洩露蛛絲馬跡，旁人愈猜愈興奮。「以前，好多人唔知我除咗 modeling之外，私人生活係點，今年，開咗 account又 open to public，大家見我好似去咗好多地方旅行，其實，跟以前差唔多，只係以前冇 Instagram啫！
「我不嬲唔介意別人知道我做緊乜。」
這也包括感情狀況嗎？
「感情冇乜諗過……
「人嘅心情總會 always up& down，個人來講，我依家淨係可以話心情唔同咗囉！唔可以話好啲，係唔同囉！」這句「唔同」，還包括生活習慣，離婚前，愛入廚，自誇任何菜式都撚手，現在，還煮嗎？「試過焗三文魚，朋友覺得好食，自己嫌難食，太耐冇煮，唉！ You know，少咗囉！」
Gaile十幾歲出外闖，習慣獨立，也享受獨立，嫁得天王，自己言行連帶備受關注，但心甘命抵，誰知道，婚姻命短，負面新聞隨即湧現贈「㷫」，一向樂天的她，曬得黑黝黝坐於鎂光燈前哭了，這一幕，很深刻。
「唔覺得影響形象，我清楚自己係邊個，當然，離婚對一般人來講係負面，但冇人想離婚，得接受事實，我要繼續向前行。」
香港只適合工作
做人最緊要清楚自己底線，一個開心快活人，面對壓力，處理方法也直接，索性離開傷心地。
「放低事情嘅方法，就係唔諗。
「暫時我會住喺印尼，因為鍾意滑浪，亞洲呢度最好。（點解咁鍾意？）除非你係一個 surfer，否則我點講你都唔會明白箇中樂趣。」椰林樹影好呀！ Gaile愛海，小島上，日日望住日出日落，美不勝收。照她講，每朝瞓醒做瑜伽，去滑浪，食完晏，再瞓覺，晚飯歎完，十點幾已早唞，想唔精神爽利就奇！「日日食魚食生果，啱晒我。」
遠離是非地，新生活並非得個玩字，她正密鑼緊鼓跟朋友籌備新餐廳，今次，自己負責公司管理和營運概念，比單純試菜更刺激。「但到十一至三月我又會離開，呢度雨季，好多蚊，最好返美國。」就像候鳥，按住四季，飛去最適合生活的地方，優悠呢！「印尼好寧靜，香港只適合工作。」
老老實實，香港係咪好乞你憎？
「好彩我唔識睇中文，人唔喺香港，冇人同我八，唔知發生乜事，唔使諗咁多。」我都話佢份人簡單。「雜誌出街，淨係睇相靚唔靚，評論係點，我冇興趣知道，就算講得好，我一樣唔會開心。」說來瀟灑，聽起來，倒帶幾分敵意，自我防衞的敵意。
「傷心過，但已過去，又解釋過，冇嘢可以再做；「總之，我對自己仍然好有信心。」
我講 feeling
Gaile Lai白色中袖上衣$2,695白色短袖上衣$2,495粉橙色塔夫綢長褲$7,995銀色高踭涼鞋$4,995all Anteprima黑色樹脂膠頸鏈$26,700 Gucci
年頭至今， Gaile美國探親，倫敦參加婚禮，馬來西亞、菲律賓處理物業，再去印尼、澳洲旅行，好不逍遙。
「朋友遍居世界各地，佢哋話『我喺馬來西亞有個 birthday party，你嚟啦！』或者朋友喺日本結婚，我咪飛！」錢買不到友情，卻買到頭等機票。
周圍飛，沒腳雀仔，就如滑浪，隨波逐浪，煞是自在。
「我不嬲唔係好 athletic，唔知點解，呢一年發覺自己好多運動都鍾意，成個人放鬆好多。」
生活轉舵，擇偶條件也變了嗎？「所謂夢中人，要幾高？個樣係點？從來都係一個大問號，雙方遇上，有化學作用就得。」有埋共同興趣，更投契吧！「幫到溝通，但唔一定 work，況且我乜都鍾意，去茶餐廳食飯，上巴黎鐵塔燭光晚餐都 OK；去紐約行街；去亞馬遜河 camping又得，我冇 type嘅。」愛情觀沒被離婚影響，對於未來，更加期待。「你睇我以前啲 ex，個個都唔同，所以，我淨係講 feeling。」
後記
Gaile Lai黑色闊邊絨帽$8,700 Saint Laurent印花圖案併喱士吊帶長裙（未定價） Roberto Cavalli
淨係講 feeling的 Gaile，工作也很隨心，說好了，這輯相一共影五套衫，她愈影愈有勁，「我影埋呢套。」編輯一聽，受寵若驚呢！
又啱嘅！影得靚，多多無拘，影得醜，一張也嫌多，何況，她已明言，睇雜誌只着眼相片效果，從來唔「咪」字。
又係嘅！圖片好壞，一眼便知，毋須細閱消化，開心、唔開心只消一瞬間，文字的話，由雙眼傳送至腦袋再加思考然後亂諗一通，徒添煩惱。
做人簡單啲好。
Shop List
Anteprima中環國際金融中心 3079-3080號鋪 2167 7386
Balenciaga尖沙咀海港城港威商場 G314號鋪 2736 8801
Gucci中環置地廣場 G23-30號鋪 2524 4492
John Hardy中環置地廣場 B33-34號鋪 2533 3895
Joyce金鐘太古廣場 232號鋪 2523 5944
MCM中環娛樂行 1樓及地庫 2117 3955
Miu Miu中環置地廣場 G31-32號鋪 2523 7833
PRADA中環歴山大廈 G4號鋪 2522 2989
Roberto Cavalli金鐘太古廣場 205號鋪 2116 1700
Swarovski尖沙咀九龍站 Elements 1100號鋪 2196 8776
Saint Laurent中環置地廣場 113A號鋪 2868 0092
撰文：伍淑嫻
形象：黄健華
攝影：郭賢興
化妝： Jacqueline Ma
髮型： Hin Wan@IL COLPO
戴住一頂 Saint Laurent闊邊帽，擺好甫士，咔嚓一下， Instagram再見。
behind the scene
樂園
今期，為兩個開心果拍照，咱們自家攝製隊也份外投入。
一為樂基兒，甫一到埗，係有點 cool，但入到影樓將新季靚衫一件件換上，狀態亦逐漸回勇，見到一頂 Saint Laurent闊邊帽更愛不釋手，最後，為了它，自動請纓影多個 shot㖭！另一個 happy girl便是大馬女模 Angie，去影樓仲多過返屋企，今次，取景郊外，夏天潮濕多蚊蟲，嚇到佢呱呱叫，笑死大家。
開工同樂，莫過於此。
Gaile Lai@ Cover Face
峇里回港，連環工作，出入依然由前夫名下七人車接送，足證二人關係不俗。 
影完相， Gaile不忘也拍低自己各個造型照，試完一個又一個角度，影電話相都認真過人。
Angie Ng@ Fashion Feature
留言列表
