拒為太極宣傳 舒淇寧玩狗唔見馮德倫 


【今日我至潛】舒淇為咗避馮德倫,寧願潛水喺台灣玩狗,都唔嚟香港出席首映。台灣《蘋果日報》

舒淇和馮德倫(Stephen)早前再傳緋聞,即使舒淇有份主演Stephen執導的《太極1從零開始》,但前晚電影在港舉行首映禮,大前日身在台灣的舒淇寧願玩狗也未有來港支持,更大玩捉迷藏,得知對方昨日抵台,即於前日乘機離開,堅拒同場出現。

舒淇和馮德倫(Stephen)今年7月被本報踢爆結伴遊東京,事後兩人否認戀情,雖然早前有傳兩人濃情轉淡,但舒淇日前卻形容Stephen為「非常非常非常好的朋友」,未知兩人是否怕成為焦點,所以即使舒淇有份主演Stephen執導的《太極1從零開始》,但卻從未現身做宣傳。



舒淇見記者拍照,立即拿起手中的書掩面,十分貪玩。 

舒淇好友Roger飲酒中途都要檢視眼妝,認真老友。 

《太極1從零開始》首映,只得四大型男現身。 前後腳離台

原來舒淇大前日回台為侯孝賢新片《聶隱娘》開工,並順道留台與好友Roger喝酒聚舊,兩人邊喝酒邊談心,似乎不擔心Stephen會呷醋,舒淇飲得興起時更抱起好友的愛犬親親,十分可愛。雖然前日舒淇已離台,但她就沒有趕回香港出席首映,而巧合地Stephen昨日又抵台宣傳,似乎兩人刻意前後腳到台,避免成為焦點。
前晚《太極》在尖沙嘴舉行首映禮,僅得Stephen、梁家輝、彭于晏和吳彥祖四型男撐場,女主角Angelababy和舒淇都缺席,令現場失色不少,僅得來賓趙碩之等撐場。

嫌緋聞奄悶

Stephen透露公司有邀請舒淇,但對方有工作在身,至於是否因為緋聞避他時,他即說:「點解要避,傳咗十幾年嘅緋聞仲係緋聞咩。」提到舒淇以三個「非常」形容他時,他冷淡說:「我以為不嬲都係非常非常非常好嘅朋友,點解要做情侶,朋友呢個位置幾好,唔想改變,總之大家係一如以往係咁好嘅朋友,呢個緋聞話題好多年,真係有啲悶。」
此外,剛從上海落機即飛撲到場的梁家輝自爆搭了一架甩皮甩骨飛機,他笑說:「出咗跑道先話引擎有事,之後又話音響有事,原本5點幾返到香港,最後搞到7點幾,但係點都趕嚟,最多叫佢喺尖沙嘴降落,如果換唔切衫就成個嘍囉咁。」
採訪:溫敏芝
攝影:陳慧安

arrow
arrow
    全站熱搜

    tvb4life 發表在 痞客邦 留言(0) 人氣()