早前亞洲先生面試，騎呢港男傾巢而出，無綫為避風頭，今年決定「休戰」唔玩。2010年的無綫香港先生白健恩趁機攝位，連拍兩部無綫劇，其中在《法網狙擊》中飾演大奸角，強姦咪神高海寧，白健恩笑言：「幾好玩！」
舞台劇演員出身的白健恩（Ronan），參加2010年香港先生競選晉身娛樂圈，今年無綫停辦香港先生，令苦等兩年的Ronan終於有機會埋位開工，先後接演電視劇《法網狙擊》和《衝上雲霄II》。在《法》劇中Ronan飾演大奸角，壞事做盡兼強姦高海寧，Ronan認為可以突破形象是一件好事，他說：「我外表太斯文，劇入面做咗好多衰嘢，反而覺得幾好玩。」
一字馬對白健恩來說是易如反掌。
白健恩18歲開始學跳舞，這樣高難度擘腿動作難不倒他。
高海寧在《法網狙擊》中慘被白健恩強姦。《忽然1周》圖片
跳舞健身谷肌
要在娛圈上位，等是無可厚非，等開工期間，Ronan沒有偷懶，每日勤於操弗身形，31歲的他仍能keep住六嚿腹肌，拍攝時可以隨音樂舞動身軀，凌空跳躍動作駕輕就熟，他說：「18歲開始學跳舞，爵士舞同現代舞都識，但最難都係跳芭蕾舞，因為規格較嚴，柔軟度要夠高。」Ronan還會每星期健身兩次，問到一身「肌」味，問可擔心惹來同志青睞？他說：「唔擔心，男仔、女仔都唔拘，有人鍾意已經好開心。」
拍劇以外，Ronan還有參與舞台劇演出，將於下月尾與梁小冰和焦媛合作做《彩色青春A Go Go》，他說：「我個角色叫胡楓，學番70年代人物跳舞同唱腔，以前未試過。」
採訪：嵐山 攝影：陳志嵐
場地：Wild Feast Dance Studio
全站熱搜
留言列表
