上流滙
潮 belt撐腰
全身前衞打扮未必人人駕御得到，潮流小配飾往往最受歡迎。
要突出女性 S線條，未必要露肉，簡單加條 belt，即可束腰塑身，有畫龍點睛效果，想追上潮流話咁易。
由春夏 hit到秋冬的 belt，款式愈變愈誇張，睇下潮流達人徐濠縈近期熱爆的膠 belt就知。
簡單摩登(Good)
Ricky評︰「 Hilary呢個打扮襟興，黑色半透明襪襯呢對黑鞋好絕。而一件 simple cut嘅紅色衫，加 咗呢條 belt，成個感覺有型 咗，簡單得 嚟又 modern。」
徐濠縈
配件累事(Bad)
JLYNCH
Ricky評︰「白色衫襯金銀皮帶好靚，不過佢太多配件，紅色手套好似洗碗膠手套，加埋黃橙襪，感覺一 啲都唔靚，成件事錯晒。」
周汶錡
撞色失誤(Bad)
Liger
Ricky評︰「 Kathy嘅身形 着呢類裙實好睇，不過佢條裙已經好多 pattern，同條 belt嘅顏色唔夾，如果轉簡單款黑色幼 belt會更好。」
周麗淇
簡單潮味(Good)
Ricky評︰「 Niki個打扮好靚，簡單之餘，身形線條又好突出。呢條裙本身好斯文，加 咗簡單黑色 belt，同識得 tone on tone，又潮又 fashion。」
陳法拉
老土人辦(Bad)
Ricky評︰「法拉個樣太斯文， carry唔到呢個造型。襯呢對涼鞋又好老土，娘娘 哋，配搭功夫未夠班！其實呢條裙同 belt，襯魚網絲襪同 ankle boots已經好型。」
徐子珊強國花姑(Bad)
Ricky評︰「佢條裙娘爆，成個花姑咁，呢個雞蛋花 pattern，好有強國人 feel，加條皮帶都救唔到。而入膊款裙加埋個髮型，大隻之餘塊面又闊。」
吳雨霏大隻媽姐(Bad)
Ricky評︰「 Kary個 look好 dancer，上身顯得好肥好大隻，配埋下身流蘇褲，再加有特色 嘅 belt，焦點太多、太複雜。而佢個髮型又好肉酸，成個媽姐咁。」
薛芷倫
過分逼爆(Bad)
ALAIA
Ricky評︰「 Fanny感覺好衣不稱身，除 咗條裙太逼爆，令人唞唔到氣。佢條 belt又太粗，同裙款格格不入，加上鞋款錯配，令佢對腳變短。」
肥人揀幼帶
Ricky推介今季 Fendi wind belt必熱，一條索價過萬，你撐唔撐得起？
皮帶是女士們必有 item，衣櫃梗有幾件看門口。 Ricky指︰「皮帶既實用又可以幫手突出線條，令整體比例更靚，係 one-piece裙必要 嘅配件。肥人可以揀幼細簡單款，切忌束腰封款。而 belt嘅位置，要跟番件衫 嘅 cutting，貼身衫可以放低腰少少，而普通鬆身衫就要放正腰線。 
星級形象指導郭慶彬（ Ricky Kwok）曾與樂基兒、熊黛林等藝人合作。近年由形象指導變身為潮店老闆，於銅鑼灣開設時裝店。 
留言列表
