對於被吳鎮宇「提點」,吳卓羲勇於承認,但佢解釋只係自己要求高,並非因為俾女飛而影響心情。

娛聞樂

張馨予狠撇 吳卓羲發呆 辣㷫吳鎮宇

2012年08月31日 ~~ 第892期 忽然1周

吳卓羲與張馨予拍拖年半,從未承認女朋友身份,結果張馨予快刀狠撇吳卓羲,轉嗒內地紅小生李晨。
俾女飛已經夠煩,上月本刊踢爆吳卓羲半年前偷嗒富家港女,互傳的情慾短訊及對話更被公開。
感情事諸多不順的吳卓羲,無奈要繼續拍《衝上雲霄 2》。據知開拍至今,吳卓羲因為心神恍惚而頻頻 NG,被出名認真的吳鎮宇多次當眾訓話,搞到現場氣氛凝重。掛住兒女私情唔專注工作,俾影帝教訓吓,都應該啦!

無 綫重頭劇《衝上雲霄 2》不惜工本,出手 8萬一集請影帝吳鎮宇返娘家幫手,加埋另一型男主角張智霖,以及無 綫幾位當家小生、花旦,單是卡士已非常吸引。不過主角之一的吳卓羲近月墮入桃花陣,被國產乳牛女友張馨予狠撇,又同時被踢爆有其他女友,形象一鋪清袋。


日前,吳鎮宇向記者直認有點醒吳卓羲,說時不禁皺眉。


擁有 35C激凸身材的張馨予,與吳卓羲拍拖一年半都只能做隱形女友。到男方肯公開戀情,女方又移情別戀。

廠景連環 NG




8月初,吳卓羲因拍劇時狂 NG及反應遲鈍,被吳鎮宇搭膊頭拉埋一邊訓話。同場的胡定欣即時彈開。

機場心不在焉




在一次機場實景拍攝,吳卓羲又魂遊太空,吳鎮宇今次冇面俾,當場鬧爆吳卓羲。目擊者陳法拉亦為之側目。

搭膊頭訓話


以為吳卓羲知驚,以後會醒水,點知他投入《衝上雲霄 2》的拍攝工作依然不在狀態。 8月初,吳鎮宇與吳卓羲在將軍澳電視城拍攝家中閒聊的廠景。吳卓羲一句對白竟 NG十多次,吳鎮宇講完對白,他又呆呆滯滯唔識反應。吳鎮宇終於忍唔住,搭住吳卓羲膊頭行埋一邊講:「細佬,你做乜戇 XX呀?好似唔識做戲咁?俾 啲反應好喎。」雖然夾雜住粗口,但語氣尚算溫和。被訓話的吳卓羲只顧不停點頭,當時胡定欣及劇組人員都即時彈開,事不關己。
一星期後再到機場拍外景,吳卓羲又在拍攝期間發呆,搞到嚴重 NG拖累拍攝進度,忍無可忍的吳鎮宇即當住陳法拉及劇組面前直斥其非,態度及語氣明顯比上次嚴厲:「你(指吳)完全 喺度遊魂喎!不如你返屋企諗掂點演先好返 嚟啦!」吳卓羲無言以對,惟有面懵懵不停講:「梳 ly!梳 ly!( Sorry! Sorry!)」
其實十年前拍《衝上雲霄》時,吳鎮宇曾公開批評劇中一名新晉演員工作態度有問題,有傳此人正是吳卓羲。對於吳卓羲心不在焉被訓話,吳鎮宇對本刊記者直認不諱:「醒佢兩句 啫!唔算係咩囉!(十年前拍第一集有問題 嗰個新人係咪吳卓羲?)佢 哋個個都好醒目,比起十年前進步 咗好多。」

劇中兩位女主角都曾見證吳卓羲被吳鎮宇訓話,二人異口同聲表示鎮宇都係為套劇好。


NG個個都會啦,大家都為套劇好, Ron進步 咗好多喎!


邊個同鎮宇有對手戲,都會受佢兩招啦!要求對手交戲唔過分,佢都係緊張套劇。

吳:感情事唔影響工作


吳卓羲亦知衰,不過就否認頻頻 NG與感情事有關,他說:「指點個個都有啦!鎮宇係影帝級嘛。(有傳你拍劇遊魂成日 NG,係咪俾張馨予影響?)工作同感情事分得好開,我從來唔會俾感情事影響到。 NG係有,係我自己 NG自己之嘛,我認為可以做好 啲咪再 嚟多次囉!」哦!原來吳卓羲對自己要求係咁高,收到晒!

張馨予換仔被圍插


張馨予狠撇吳卓羲後,即搭上內地小生李晨,男方於上周四趁七夕在微博公開示愛,卻未獲網友祝福。網友力斥二人不襯,狂插張馨予形象負面。李晨再在微博留言:「不要的祝福。」同時附加一篇心底長話力撐女友,再招來逾 10萬網友惡評回應。網友狂插令兩人戀情升溫,張馨予與李晨其後再發表互相支持的言論,愛得高調。




張馨予上周四(七夕)收到李晨送的花立即放上微博晒命,卻被網友惡意圍插。


張馨予冧爆回應
李晨高調示愛

機師兄弟


《衝上雲霄 2》中,故事大綱秉承第一輯,吳鎮宇飾演唐亦琛,與飾演唐亦風的吳卓羲是親兄弟,兩人同是機師,劇中吳卓羲與胡杏兒是情侶,而吳鎮宇與張智霖會爭陳法拉。





撰文:娛樂組
攝影:攝影組
插圖: Wendy

arrow
arrow
    全站熱搜

    tvb4life 發表在 痞客邦 留言(0) 人氣()