close
國台扮
羅志祥又俾人屈
耐不耐就有桃色新聞爆出 嘅小豬羅志祥，最近又俾人踢爆上月到杭州為節目《我愛記歌詞》做嘉賓，俾國產狗仔隊發現佢約 咗其中一位參賽者閻莉，到酒店房玩通宵！
報導出街後，發現只係一場誤會，大部分網站即時將報導抽起，但之後有國產八卦雜誌專訪閻莉，以「羅志祥閨房怪癖」為封面標題，閻莉指當晚小豬著住女人衫演趣劇 氹佢笑，之後因為玩到太 攰，於是 响小豬酒店房留宿一晚，直至第二朝獨自離開，估唔到就咁俾狗仔隊影 咗相。
小豬知道後大呼寃枉，話自己根本唔識閻莉，加上對方唔係藝人，居然有狗仔隊跟蹤偷影，擺明有人想借佢過橋做假新聞搏出位，所以同經理人商量後，決定以「名譽損害」為由告到底。講真句，單新聞係真係假都好，如果唔係小豬一次又一次俾人發現上網識女仔，傳佢爛滾生性病，人 哋就唔會揀中你啦！ 
閻莉自爆同小豬玩角色扮演，佢著住男人衫，小豬就著女人衫，當晚兩個只係傾偈著衫咁簡單，咩都冇做過喎！
自稱 响小豬酒店房宿一宵，閻莉著住上節目件衫行出酒店大堂，做新聞做到似層層。 
全站熱搜
留言列表
