唔認數

官恩娜蠱惑轉會 得罪羅傑承 玩謝無綫

2012年07月05日 ~~ 第1165期 香港《壹周刊》

官恩娜( Ella)被前經理人公司拖數二百萬求解約,受制合約束縛苦無對策下,求助 BMA並得以順利解決,她亦知恩圖報即時答應做 BMA人,不過講過唔算數,簽約當日不單突然玩失蹤,更瞞住對方過檔華納,得罪老闆羅傑承。
蠱惑轉會,為保住夥拍林峯合演的電視劇《雷霆掃毒》孭正做女主角戲份, Ella連樂易玲都呃埋,表明唔會簽同無 綫對 着幹的四大唱片公司,樂易玲被玩,於是下令禁 Ella出現劇集宣傳活動,馬上還拖!

過橋抽板


出爾反爾,一舉辣 㷫羅傑承、樂易玲,但官恩娜冇有怕,拍完劇即起程飛外地度假,臨走前還風騷宣布轉投新經理人公司華納。
「 Ella擺明過橋抽板,嗰陣佢好想同前經理人解約,就搵 BMA幫手,仲應承解約後會過檔,到人 哋幫佢搞掂份舊約,佢就玩失蹤;其實 BMA唔一定要簽佢,不過佢態度差又冇交代.先辣 㷫 BMA。」知情者說。
對 BMA有恩不報的官恩娜,同樣對放生她孭重飛,提攜做女主角的樂易玲冇句真話。






《雷霆掃毒》探班宣傳活動上,官恩娜已經埋怨辛苦,飾演警察的她,表示日日跑到氣咳。


《雷霆掃毒》有份孭重飛,開鏡當日,官恩娜跟徐子珊、林峯齊齊出席記者會。

「同前經理人正式解約後,樂小姐有問過 Ella會唔會簽四大唱片公司其中一間,事關佢同林峯套劇會喺十二月尾出街,如果佢係四大 嘅人,無綫同四大又未恢復友好,個處境會好尷尬, Ella當時實牙實齒話唔會,但最終簽咗俾華納,樂小姐好快就收到風,雖然之後 Ella有去自首,如果佢係 Kelly(陳慧琳)或者(李)克勤呢啲級數,就唔同講法,但佢未夠班,樂小姐好嬲,話到時唔會俾佢出席宣傳活動。」


Ella因無綫才有機會上位,知恩不報,竟然加盟與無綫對抗四大唱片的華納,得罪高層,隨時冇運行。


當年官恩娜爆無綫「有 trip魔」,(左起)馬德鐘、吳卓羲和郭政鴻成為嫌疑人物,郭政鴻更嬲到發律師信,證明他的清白。


《雷霆掃毒》前,官恩娜從未試過孭正,對上一次《荃加福祿壽探案》也只是閒角一名。


前年 Ella雖不是四大唱片旗下歌手,仍獲邀出席羅傑承的 Red Mr的開幕,但最新的旺角新店開業, Ella已不再是被邀之列。

埋怨辛苦


據知羅傑承跟華納唱片一向有生意來往,彼此關係良好,今次華納唱片董事總經理李仁佳(右三)使橫手搶人,做法令 BMA中人頗有微言。

數年前無端端在「鹹豬手事件中」加把口,指無綫「有 trip魔」而一度被雪藏的官恩娜,雖然鬆綁兼有機會拍劇孭正,但她卻不知足,拍劇期間,還埋怨戲份少過徐子珊。
「佢成日同人呻,話次次戶外都有份,又曬又熱孭住件警察制服係咁跑,反而徐子珊就唔使咁辛苦,覺得自己俾人搵笨,仲話下次無綫搵佢拍劇都要諗清楚。」知情者說。
連環辣着兩瓣,官恩娜自找麻煩,要拆彈,絕不容易。

隨口


(《 Face》圖片)

官恩娜入行多年,除了暗交吳卓羲廣為人知,個人言行亦娛樂性十足,噏得就噏,講完就算。

遇變態司機
聲稱搭的士遇變態司機,指對方於睹後鏡實她,「難度極高」地一邊自慰一邊揸車,直至駛到隧道口才停下來喘氣。

被動粗遭惡搞
英國留學時,遇到醉酒男同學示愛要求上房,官恩娜一口拒絕,卻遭對方動粗,把她的頭撞向牆,令她右邊頭顱至今仍是「凸起」;事件真實性備受質疑,更遭大量網民惡搞。

抽鹹豬手水
08年無 綫爆出鹹豬手事件,官恩娜懷疑搏宣傳抽水,爆響口聲稱有女藝員向其訴苦,被鹹豬手淫辱,多名女藝員及男藝員因慘成嫌疑受害者及鹹豬手而嬲爆,無 綫亦大為震怒,要求官恩娜道歉認錯,並將她雪藏。

arrow
arrow
    全站熱搜

    stacylife 發表在 痞客邦 留言(0) 人氣()