踩幾句啫,使唔使鬧得咁盡呀!(設計對白)
講嘢過火咗! Sorry囉!(設計對白)
王晶和阿叻相識三十多年,因為一場罵戰幾乎斷交,要陳國強背後發功,才令王晶收口不再反擊。

探熱針

氹無綫落疊 阿叻焗做擦鞋仔

2012年07月05日 ~~ 第1165期 香港《壹周刊》

加埋近 120歲的王晶和阿叻陳百祥,為港姐選舉搞到公開罵戰,阿叻被老友明諷擦鞋仔後,還拖嘲諷對方白內障。據知年前阿叻自資製作超豪華旅遊特輯,本意屬跟無綫合作,卻遇上人事變動,打亂如意算盤,為求成功 sell到代表作,他心甘命抵做無綫擦鞋仔。

打窒如意算盤


陳百祥寧得罪老友,都要力撐港姐質素好,討好無綫高層。

相交多年的阿叻、王晶都跟現任無綫老闆殼王陳國強關係密切,交情不淺,二人為了今屆的香港小姐質素優劣,隔空 駡戰,幾乎搞到斷交,為免事情惡化,身邊好友紛紛爭做和事老。
據了解,阿叻今次撐港姐同老友開拖,背後亦有苦衷。阿叻去年投資製作富豪級旅遊特輯,出動私人飛機、豪華遊艇周遊世界,去勻中國、歐洲,甚至南美洲等地拍攝;又打人情牌搵老友譚詠麟、鄺美雲做嘉賓試食頂級豪華美食,例如萬元一隻的北京填鴨,歎價錢嚇人的靚紅酒。
製作方面,用上曾拍攝蘇施黃人氣飲食節目《蘇 Good》的班底,務求質素和內容都有保證,可惜遇 着無 綫人事變動,打亂阿叻準備將節目的香港版權售予無綫的計劃。
「舊年無 綫人事變動,陳志雲辭 咗職,連老友記何麗全都過 咗 Now,新任高層余詠珊新上場,都唔知點埋位再傾,個節目拖到依家都未面世。本來阿叻同殼王咁老友,開句聲就搞掂,但佢唔想咁。」知情人說。

阿倫阿叻歐洲豪遊


阿倫和阿叻在歐洲豪住豪食,其間阿叻撞正跑馬日,一樣馬經不離手,遠距離賭番兩手。








去年中,阿叻開拍個人旅遊特輯,出動私人飛機、豪華遊艇,也邀請阿倫做嘉賓。

殼王幫口拆彈


長期以來,阿叻都是無綫之友,老友殼王又是新主,為港姐與同屬陳國強好友的王晶反目,故二人身邊老死,均覺無謂。
日前阿倫踢爆阿叻曾致電向王晶 say sorry,據知殼王陳國強也在背後發功做和事老。
「王晶力捧 嘅童菲出寫真 嗰日,佢本來要去記者會撐場,但臨時俾老闆陳國強急召,殼王叫王晶唔好再踩班港姐,所以而家王晶都收咗火,冇 喺微博再嘈。」
據知情者說,阿叻即使同殼王友好,但自陳志雲、六嬸方逸華陸續離開無 綫後,李寶安大權在握,各重要部門由藝員科、戲劇科到人事部的高層,全是李寶安主政亞視時的親信,一朝天子一朝臣,阿叻要重新建立關係,方便日後合作,擦鞋同識做,一線之差。


據知罵戰後,陳國強主動約見王晶,幫兩人做和事老。


鄺美雲為阿叻的特輯做嘉賓,齊齊歎過萬蚊一隻的北京填鴨。

難兄難弟




阿叻譏彈今屆港姐醜的王晶白內障,王晶立刻反擊,直指當年阿叻也是靠他一手捧起。事實上,兩人自 1982年第一部電影《賊王之王》開始,三十年來合作過四十多部電影,佔阿叻片量超過大半數,他也是王晶用得最多的男演員,早年的《青蛙王子》、《精裝追女仔》、《最佳損友》系列,較近的有《唐伯虎點秋香》等,阿叻均是主要角色。無論做生意定拍戲,兩老死都拍住上,也常一齊到泰國見白龍王,連他們的老婆也經常相約打麻雀,兩家人其實私交甚篤。

arrow
arrow
    全站熱搜

    stacylife 發表在 痞客邦 留言(0) 人氣()