Mo嫂一向出名身材正，著埋件白色貼身衫，輕易打低唔知搞乜眼腫面又腫 嘅蒙嘉慧！
同你吟一吟
Mo嫂索 麵嫂殘
傳聞明年一月做麵嫂 嘅蒙嘉慧，人逢喜事，但上個禮拜四（六月二十八日），佢同 Mo嫂陳茵媺一齊喺灣仔出席遊戲活動，眼腫面脹，拍埋陳茵媺，輸到貼地！
出嫁有期，準麵嫂笑住話未有耐：「到時先算啦！唔好成日問，問得多佢（伊健）會厭 㗎！」冇錯，最緊要有人肯娶。
至於同陳豪 sweet爆 嘅陳茵媺，男友仲 喺橫店未返香港， Mo嫂做完活動自己一個去 ifc，不過唔係行街 shopping，而係去 city'super買壽司外賣，之後坐船入長洲，為新劇《情越海岸線》開工。
陳茵媺排隊俾錢期間，班飲食部姐姐，攞住手機係咁影；三十一歲 Mo嫂，有事業愛情仲要受人歡迎，四張準麵嫂就驚住未來老公縮沙，婚期講多句都唔敢。命水嘅嘢，真係唔到你唔信。 
火車軌
只不過四十歲，麵嫂日久失修情況相當嚴重，想做個靚新娘，係時候快 keep。
雙下巴
去到 ifc， Mo嫂換過套衫準備入長洲開工，出發前先去買壽司醫肚。
Mo嫂大駕光臨，超市飲食部姐姐機不可失，攞手機出 嚟同佢影張靚女相。
全站熱搜
留言列表
