close
未發現《壹》仔影相， Mandy Lieu同男伴一直有講有笑。
同你吟一吟
Mandy Lieu有仔走鬼
自從舊年無厘頭同拍拖三年 嘅陳柏霖分手，有傳 Mandy Lieu搭上小小超李澤楷，搞到陳柏霖每次俾人問起分手原因，都眼濕濕有口難言。
唔想再上鏡， Mandy Lieu一行三人起身執袋調位，坐入去餐廳較入 嘅位置。
一直否認泊到富貴大碼頭， Mandy Lieu就算同異性食飯都變得好避忌。上個禮拜六（六月三十日）晚， Mandy Lieu同女助手以及一位男士，現身上環歌賦街，幫襯由許志安前女友兼助手「細佬」所開 嘅餐廳「 Sup 1」食晚飯。
坐近落地玻璃大梳化位，三個人原本傾得好開心，但當 Mandy Lieu發現《壹》仔 响門口影相，即刻吩咐侍應換位，有咁入坐咁入。
有仔要走鬼，近年少行 catwalk多做主持 嘅 Mandy Lieu，唔單只怕見《壹》仔，當晚有幫襯仲有黎太樂基兒，大家都係模界人，但佢連 say個 hi都冇。究竟係同 枱食飯 嘅新仔唔見得光，定係佢個大碼頭唔鍾意 Mandy Lieu見光呢？ 
透 bra黎太樂基兒拉低頂帽行入餐廳， Mandy Lieu明明見到佢，但就冇埋去打招呼。
全站熱搜
留言列表
