等職員攞貨,邱淑貞坐低休息,唔化妝,都冇乜走樣。
明明有桃紅色𠺝!(設計對白)

同你吟一吟

邱淑貞落鋪擸童裝

2012年07月05日 ~~ 第1165期 香港《壹周刊》

上星期四(六月二十八日),下午 tea時間,《壹》仔喺銅鑼灣利園山道見到闊太邱淑貞,一個人行 I.T掃 A Bathing Ape。

老闆娘落鋪,五、六個 sales輪住服侍,是日邱淑貞獨沽一味,只係揀童裝。沈家三千金月日星,同囡囡扮靚,沈太呢件同呢件仲有呢件,似足電影《天生購物狂》入面嘅徐小鳳。
即時攞走一大袋之外,因為有啲顏色冇現貨要留;大家唔使估,老闆娘擸嘢走唔使俾錢,係好合理嘅!
同一個禮拜嘅星期一(二十五日),《壹》仔都喺跑馬地見到沈嘉偉,又係唔使估,沈老闆所到之處,係「車城」,但今次唔係自己揀玩具,只係陪朋友睇車,幫眼啫!
沈太拜佛湊女扮靚,沈生掌控時裝王國,專吼靚——車唔係女,結婚十三年,各司其職,同其他不時亮紅燈嘅「佳偶」比,呢一對,都算係人辦。


上星期六(三十日)晚,沈嘉偉兩公婆帶埋三個寶貝女外遊,喺機場見到記者,邱淑貞嚇到即刻戴番副超。


幫囡囡揀外套,邱淑貞要桃紅色,店員唔知有呢隻色,馬上揭天書搵清楚。


孭住大袋衫,邱淑貞唔想司機兜大圈,熱辣辣都自己行大段路上車。




沈嘉偉鍾意車,朋友要佢幫眼俾意見,當然冇托手踭。

arrow
arrow
    全站熱搜

    stacylife 發表在 痞客邦 留言(0) 人氣()