close
下面有四個男 dancers墊底，合力抬起倒吊薛凱琪以及另一位男 dancer，究竟要用幾多力氣，睇吓呢位哥仔（箭嘴）個樣就知啦！
同你吟一吟
薛凱琪跳甩頸
七月七號同八號會 响紅館舉行兩場處女演唱會 嘅薛凱琪，上個星期四（二十八日）安排傳媒到排舞室探班，率先欣賞佢苦練 嘅舞功。
又要唱，又要跳，薛凱琪話一開場就有二十分鐘勁舞，去到中段又有十幾分鐘快歌時段，形容呢個係要用好多體力好辛苦 嘅演唱會。
講真，現場所見所謂勁舞其實唔係好勁，只係見到薛凱琪不斷扭頸 fing長髮， fing到眼耳口鼻都唔見，之後又 响 dancers背脊爬吓爬吓，以為睇緊真人版 3D貞子，唯一比較高難度，係俾 dancers倒轉，但最辛苦都係班 dancers，就算薛凱琪瘦到得棚骨，要抱起佢 hold咁耐，都唔少嘢㗎！
薛凱琪所謂要用好大體力，只係 fing頸 fing到唔見 咗眼耳口鼻，同 响 dancers背脊上面爬，真係好 攰喎！
全站熱搜
留言列表
