飲完酒㷫烚烚的莊家豐脫掉西裝，女友即識做替他拎住件褸。
名人私生活 莊士集團三少莊家豐與大佬莊家彬十足餅印，莊家彬有個拍拖多年的傅明憲，莊家豐亦唔執輸，一直對拍拖問題支吾以對的他，原來已經有個行埋半年的國產女友，莊家豐一有空就飛北京探女，女友亦經常落香港，女方更入晒屋見家長，唔知幾時好事近呢？

靚女音樂人
明星、富二代愛玩模、國產女模，莊家豐女友雖然都係強國女，但就有啲料到，知情者說：「個女仔叫林天愛，廿四歲，喺英國皇家音樂學院讀作曲，幫過陳慧琳、梁詠琪、Twins作歌，喺大陸仲有『第一美女作曲人』稱號，嚟緊套電影《河東獅吼2》都係佢做配樂，由於背景唔差，又有才華，身家清白，所以莊家兩老都好鍾意個女仔。」但始終分居兩地，林天愛為維持這段異地戀，這半年內多次專程飛來香港會男友，莊家豐亦頻往北京交人。

直落過夜
上週五晚上九點，莊家豐與剛落機的女友先到銅鑼灣開平道的da Domenico歎意菜，擦足兩粒鐘先離開，之後二人坐上莊家豐二百多萬的Bentley跑車直駛蘭桂坊，會合朋友蒲老蘭。齊腳後，眾人步行到安慶台的「Play」，莊家豐甚有風度，拖實著住五吋高踭鞋的女友。劈到凌晨三點半，莊家豐與女友先行離開，帶點醉意的莊家豐攬實女友條腰，而女友亦細心地幫他拎西裝褸；二人先回林天愛入住的金鐘香格里拉酒店，十分鐘後離開酒店返回山頂中峽道的莊氏大宅，女友登堂入室，返屋企再玩過。 ####

 


開餐離開da Domenico時，莊家豐細心地替女友拉門。


會合友人時，莊家豐忽然泰仔上身，雙手合十鞠躬打招呼。


夜蒲微醉的莊家豐攬着女友落樓梯。


莊家豐比女友更貪靚，周不時出手撥髮和拉正領呔。


返歸林天愛先到下榻的港島香格里拉取些日用品，之後便到男友家過夜。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄