十七歲正式習武，涉獵多個門派，雖然未打過擂台，但自認「街架」經驗豐富，絕對是打得之人。
告一段落 冼國林疑遭人尋仇案，兩名兇徒被判囚兩年，幕後主腦及同謀在逃。案情指兇徒行動前得悉冼功夫了得，行動前已經有意縮沙；但警方查假槍案，意外揭破事件。逃過一劫，冼國林對個人安全未有太過擔心：「練慣嘢一個打兩、三個，應付到嘅！」

否認請保鏢
詠春葉準師傅的徒弟、陳嘉桓經理人冼國林，早前疑遭人買兇尋仇，兩名「刀手」未行動己遭警方拘捕，日前被判刑兩年，但幕後主腦及同謀「大強」則仍未落網。平日言論出位高調的冼國林，在尋仇案後作風轉低調，更有指他僱保鏢加強個人保安。但冼國林卻予以否認。「冇嘢好驚！唔需要保護！即使被槍指住，冇驚過！對方都係想教訓我啫，唔係要斬死我；學得功夫嘅，受傷流血都好小事。」至於誰是幕後主腦，冼國林說：「唔想去諗！推測邊個都唔公平，有人話係因為詠春門派嘅糾紛，又有話係因為陳嘉桓被非禮嘅事件，我唔想追究！真相最終都會搵到，唔使我操心嘅。」警方曾提出派人保護，但他認為無需要而拒絕。

詠春門派糾紛
冼國林聲稱，對一切保持平常心。「呢個世界都上晒軌道，唔使用呢啲手法（尋仇）做嘢。」當日拍攝《葉問前傳》，被指得罪詠春阮奇山的門派，結果冼國林和師傅葉準親上廣州，登門向阮氏後人斟茶道歉。「凡事以和為貴，我做嘢都係為咗推廣詠春，雖然會有人唔鍾意我，但我肯定大部分詠春派嘅人欣賞我，我去道歉，係唔想對方誤會，希望佢哋明白我目的係推動『詠春是一家』。」冼國林說。

 
《葉問前傳》中一段關於阮奇山情節，遭其後人指摘誹謗，結果冼國林要登門斟茶道歉。

未上過擂台
不擔心自身安全的冼國林，究竟有幾打得？「睇對方幾歲喇，三歲，一個打三十個都得，十四歲以上，咪小心啲囉！不過我哋練慣嘢嘅，一個打兩三個，係應付得嚟！如果人多，梗係快啲走，你估拍戲咩！」冼國林自信滿滿地說。習武以來，冼國林從未上過擂台，只打過不少「街架」。除了是詠春門人，他也懂得太極、洪拳、大聖劈掛、散打和蔡李佛等，父親更是山東螳螂派高手，早於七歲已經開始跟父親學螳螂拳，不過直至十七歲才正式拜師學武。平日愛為人出頭，少不免會得罪人，冼國林太太也曾為此擔心勸說。「人哋搵你幫手，證明我嘅存在價值，但當然要睇清楚誰是誰非，應幫則幫！」他堅持說。

武林恩怨
電影老闆、武林界名師冼國林可算是惹火人物。不過學武之人，無論幾好打，最後還是選擇以和為貴。

挑機吳京
08年影壇掀起「葉問」熱，但吳京的一句：「不知道葉問是誰？」因此開罪詠春派門人，其中冼國林更要挑戰他打擂台。最後吳京說不介意被「葉問」打敗，才平息風波。

得罪阮氏後人
電影《葉問前傳》中，部分情節被詠春宗師阮奇山的後人阮祖棠指責有誹謗嫌疑，事後冼國林與師傅葉準（葉問兒子）率領門徒上廣州道歉，冼更主動向阮斟茶認錯。

追擊陳浩民
去年底陳浩民及馬德鐘在橫店狼擒冼國林愛徒陳嘉桓，冼國林鬧爆陳浩民。最後陳要在內地及香港登報道歉，及捐款給護苗基金，行善洗底，始獲不再追究。


馬德鐘和陳浩民狼擒陳嘉桓事件，冼國林為愛徒出頭，討回公道。 ####

 


冼國林平日由司機接送出入，未有特別加強保安。


一張與詠春名宿葉準合照，竟已嚇窒兇徒，都咪話唔利害！


冼國林最近成立民強慈善基金，所有跟他習武的學生，交的學費全部撥歸基金行善，而他指出徒弟杜宇航和陳嘉桓各有優點，一般對打都難不倒他們。



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄