千揀萬揀,三十七歲的郭羨妮揀了細自己六年,任內地劇武指的朱少杰做老公,有情飲水飽。
上週二(22/5),郭羨妮在九龍法國醫院剖腹誕下六磅多小龍女後,週五即高調發放新生女兒照片,全家晒幸福。相比同樣在今年產女,要獨力撫養女兒的楊思琦,郭羨妮無疑風光得多。不過,風光亦由郭羨妮一手營造。生女入住的法國醫院VIP頭等套房,埋單使費十六萬,全數她要自己俾。上週六(26/5),本刊拍得郭羨妮阿媽,攞住張單check數皺晒眉頭,面對窮女婿,郭母諸多不滿,多次當街當巷,篤住女婿嚟鬧。

陪入產房
向外聲稱預產期在六月的郭羨妮,其實一早訂定本月二十二日,法國醫院的頂級VIP頭等房,剖腹分娩小龍女,為免臨盆前的肥腫樣曝光,郭羨妮入院,保持低調。「Sonija之前比較過幾間醫院資料,但佢住九龍區,法國醫院最方便,但嗰度好多雙非孕婦,一來唔想同人逼,加上唔衰得,所以佢一早訂定醫院間VIP頭等房;咁佢老公又搵唔到幾多,Sonija堅持要住,咪自己俾,小朱都無意見啦!」郭羨妮身邊好友說。在內地做武指的朱少杰暫時無劇開工,順理成章放假一個月,陪老婆生B照顧坐月,郭羨妮住院四天,朱少杰全程陪實,入埋產房幫女兒剪臍帶。老公留宿外,郭羨妮媽咪亦寸步不離,照顧Sonija。「最初小朱都唔敢入產房剪臍帶,但Sonija產前真係好緊張,為咗老婆放心,先答應入埋產房陪產,不過睇住老婆生B,小朱就心都震埋。」

豪使十六萬
「龍B」效應,入境處估計今年有近10萬個龍B出世,加上雙非問題未解決,為免同雙非孕婦爭床位,郭羨妮寧願使多啲錢,一早book定法國醫院豪華套房開刀生B女,估計花費近16萬。 豪華套房 $14,800×4日=$59,200 嬰兒房(私家房) $800×4日=$3,200 剖腹費 $45,490 孕婦基本針藥、物品、產後護理費 $27,000 丈夫陪產 $2,000 嬰兒護理及監檢費 $10,000 膳食費 $3,000 陪宿費 $5,000 行政費用 $1,000 共:15萬5,890元

 

一味靠吹
戀愛大過天的郭羨妮,去年拍內地劇結識比自己細六年,做電視劇武指的朱少杰,兩人迅即打得火熱,拍拖不久即計劃結婚。「郭羨妮媽咪最初都唔知小朱嘅經濟狀況,因為小朱話自己開製作公司,又話識好多內地製作人,以為個女跟佢大把機會,點知原來靠吹,佢係有間公司,但好蚊型,小朱喺河南嘅老家亦好窮,自己根本連屋都無一間,一路只係租屋住!」知情人說。 ○五年,被指搭上殼王陳國強的郭羨妮,生活即時富貴升呢,一炮過以五百多萬買入太子道西柏德豪庭及Benz CLK200,不過單位持有五個月後,她便將物業變賣套現,僅微賺六十五萬。脫殼靠自己,郭羨妮仍有能力做人肉櫃員機。去年八月,計劃與朱少杰結婚前,她便以五百多萬,購入現居的清水灣半島物業做新房,朱少杰每次回港,都會入住女友寓所,慳番酒店錢。由於朱少杰在內地無物業,郭羨妮飛北京會男友,當時朱少杰只以一百五十元人仔,租住王府井殘舊酒店飄Home,陪女友過生日。但冧到爆的郭羨妮,毫不介意屈就,對寒酸男友千依百順。

當街指罵
上週四(二十四)下午二時多,陪產的朱少杰,與外母一同離開郭羨妮入住的VIP房,陡步行過九龍城地茂館食午飯,其間,郭母卻忽然表現激動,手指指叱責女婿,只見朱少杰並未回嘴,只快步走前兩個身位,扮聽唔到。食飯期間,二人幾乎無傾過偈,之後二人行去附近的惠康超級市場補貨,行到近惠康門口,郭母又再次發作,激動地向住朱少杰不停鬧,短短一個小時,兩度發火鬧女婿,似乎對經濟一般的朱少杰非常不滿。入到超市,快速買了兩大袋紙尿片後,朱少杰幫外母在門口截的士離開。之後,朱少杰如同放監一樣,一個人在街上四圍逛,行到九龍城廣場內兜來兜去,之後入了一間運動用品鋪,不停試波鞋,閒逛差不多一小時,才捨得返醫院陪老婆。第二日早上九時多,朱少杰一個人到醫院對面的恒生銀行㩒錢,其間不斷啜煙,煙癮明顯大,及後在地茂館吃完早餐,再買多份外賣,帶返醫院。

阿媽查數
當日下午,郭羨妮向傳媒發放BB女及一家三口合照,高調晒幸福,不少好友都向她道喜。外表看幸福滿瀉,其實局內人有苦自知。「好多嘢,都係自己個女貼錢,Sonija媽咪對小朱其實好不滿,就算喺個女面前,都成日鬧小朱,Sonija夾喺中間做磨心,係好為難,佢亦只可以叫小朱唔好出聲,盡量忍讓!」郭羨妮好友說。向外自稱已經出院返家的郭羨妮,其實是上週六(二十六日)才退房。早上十一時多,郭母落醫院會計部幫個女找數,只見她攞住張單坐低,逐樣check,睇到皺晒眉。之後,郭母行去育嬰室,過了約十分鐘,她便抱住出世才五天的外孫女,落樓搭的士。而同一時間,郭羨妮則從秘密通道離開。

貼仔屋
風水有時唔到你唔信,郭羨妮所住,有花旦屋苑之稱的清水灣半島,夾都無咁啱,入住的女藝人不是被人財色兼收,就是貼仔收場。旺丁唔旺女,明顯不過。

楊思琦
去年吳帥成功從李泳豪手中搶走楊思琦,事件公開後女方才發現搭上「空心老倌」,新歡被揭欠債纍纍,但當時楊思琦已身懷六甲,被迫匿去美國生女,女兒出世後,楊思琦決心撇甩吳帥,獨力撫養女兒。

馬 賽
本身有家底的馬賽,在拍攝新劇《名媛望族》時,與落選巨聲大孖周志文撻着,成為第三者,被正印CoCo公開指罵,更有指大孖經常向馬賽呻屋企窮,在無綫做足三年都未有機會發圍,馬賽義無反顧,親碌人情咭搵前輩劉松仁幫手,在新劇加重男友戲份。

唔怕
唔係個個「港女」都貪慕虛榮、難服侍,樣辦有郭羨妮,早年溫兆倫僅以「菠蘿包攻勢」就追到手,拍《尋秦記》時又主動追過當時未紅的古天樂,為了人夫陶大宇,更甘心做狐狸精,郭羨妮可算是「港女」中最嫌錢腥一個。

溫兆倫 菠蘿包餵飽
郭羨妮02年與大自己十年的溫兆倫合作劇集《牛郎織女》,對方日日送上菠蘿包加奶茶,成功得手。當時又有指溫兆倫欠下財務公司三百萬巨債,並搬入郭羨妮屋企,二人拍拖三年,最終分手。

陶大宇 拋棄糟糠
06年,郭羨妮拍《學警出更2》期間,因經常遲到失場被劇組杯葛,陶大宇借機安慰,成功培養感情,郭羨妮更因此背上「狐妮」之名,被陶大宇前妻阿寶直斥:「郭羨妮係第三者!」

古天樂 主動送上門
00年,郭羨妮與古天樂合作《尋秦記》,二人同到濟州拍外景期間,發生郭羨妮失蹤十六小時事件,有指她當時在古天樂房間,主動送上門。 ####

 


留院期間,郭羨妮與老公,齊齊跟護士學餵奶及換片,合力照顧女兒。


產後仍有些少水腫的郭羨妮,摸住女兒一臉滿足,母愛氾濫。


郭羨妮形容女兒表情多多。


去年十月一日結婚,郭羨妮即在月底開工拍《民國恩仇錄》,賺錢養家。


去年郭羨妮接拍《亂世佳人》,與擔任武指的朱少杰(白圈)合作。


24/5 行行吓,郭母激動指罵女婿,朱少杰行快兩步避開惡外母。


朱少杰陪外母到九龍城地茂館吃飯,飯後,朱少杰急急戴番副超怕被人認出。


26/5 上週六早上十一時,郭羨妮阿媽在會計部負責埋單,坐在梳化睇數睇到皺晒眉。


24/5 朱少杰相當順得人,俾外母鬧完,扮無事繼續陪外母買紙尿片。


25/5 每次離開醫院,朱少杰即拿出香煙狂抽,煙癮甚大。


大住七個幾月肚,郭羨妮仍然出席活動賺錢。


朱少杰與外母一同留院陪老婆生B。


被指○五年搭上殼王陳國強,郭羨妮當時最富貴。


去年七月,郭羨妮飛到北京會合朱少杰過生日,入住的卻是僅150元人仔的廉價酒店房。


26/5


郭母在醫院會計部找完數,即到育嬰室接走僅五天大的孫女搭的士回家。


等的士期間,郭母抱住孫女講電話。


24/5 送走外母,朱少杰一個人逛街,更到運動鋪試波鞋。

文章標籤

創作者介紹
創作者 litalife 的頭像
litalife

818 娛樂八掛大放送★

litalife 發表在 痞客邦 留言(0) 人氣()