沉寂一時嘅王馨平，因客串《春嬌與志明》而人氣急升。不過人紅自然有是非，佢同鄭嘉穎嘅一段舊情被老父王羽翻舊帳，搞到王馨平急急補鑊。
王羽早前接受訪問，自爆當年因鄭嘉穎冇出息，反對愛女跟對方拍拖，並着女兒勿再跟嘉穎聯絡：現在老公這麼好，不要再和過去男人牽扯。媽咪姐知道，王羽大哥都係肉緊個女啫， 不過女大女世界，馨平識點做㗎啦。
王馨平聽到老竇嘅火爆言論後，急急上微博補鑊，並大讚舊愛：
一直以來，我都認為鄭先生是一位成功、出色的藝人。
係囉，正所謂「家和萬事興」，馨平呢種態度，咁先啱嘛。
上面王家糾紛告一段落，呢邊廂薛家嘅諸葛紫岐、陳法拉繼續鬥法。
有指諸葛紫岐、陳法拉相繼出碟。當被問到有否聽過法拉所唱嘅劇集片尾曲時，薛王妃回答：我有睇套劇，但冇留意首歌。係真唔係呀？媽咪姐懷疑佢連套劇都冇睇過囉。
對於諸葛紫岐嘅回應，陳法拉避而不答，不過他日於歌手場合相見亦不怕：演員咩尷尬場面都遇過。咁又係，有諸葛咁嘅親戚，真係面皮薄啲都唔掂。 ####
全站熱搜
留言列表
