夜晚七點幾，陳國邦同羅敏莊去圓方行街撐枱腳。兩公婆打扮樸素，過名店而不入，只係兩隻手好似用萬能膠水黐實咗咁，好鬼溫馨！

羅敏莊（Mi Mi）一路都話想同老公陳國邦過二人世界，冇諗過咁快有BB，估唔到忽然就有咗2個月。不過，天賜俾你咁可愛嘅小生命，我諗冇人會抗拒嘅！所以上星期佢喺伊館開入行首個concert，都唔理「小器論」，未夠三個月就急不及待公布喜訊，仲講笑話自己係「凸肚外星人」。而早前喺杭州橫店拍《大太監》嘅老公邦邦提早拍完，可以返香港陪老婆，fit晒！


不過，佢兩公婆其實一向恩愛，早排邦邦未上大陸，一得閒就陪老婆行街。 嗰陣Mi Mi應該未驗到有喜㗎！但見佢兩個行圓方，陳國邦單手拖老婆仔，再嚟雙手捉實，兩個人隻手好似黐咗膠水咁，從無甩開過。邦邦又成日問Mi Mi肚唔肚餓，攰唔攰咁，呢個未來爹哋真係細心又寃氣！ ####


歌星出身嘅羅敏莊，終於一償心願開個唱，喺台上開心到喊！唔驚，有老公呵番。《蘋果日報》圖片

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄