早幾日復活節假期， 媽咪姐同唔少香港人一樣外遊嘆咗幾日， 但食買玩之餘媽咪姐都有做嘢，就係順道去片場探下班， 八下有乜過癮嘢。
媽咪姐今次去嘅係上海松江區車墩影城，唔去猶自可，入到去見到個個熟口熟面。原來無綫新劇《名媛望族》開緊工，劉松仁同五位「太太」韓馬利、陳玉蓮、江美儀、楊怡、賈曉晨仲有同劇嘅馬國明等日日都由朝開到晚。
同場加映：馬仔玩死人
4月9日《名媛望族》拍攝片頭，個個上馬之後係威係勢，但實情係啲馬仔唔係隻隻咁聽教聽話，有啲仲發老脾，搞到一班演員鬼咁尷尬。 ####
挽袋藝人返國內拍戲請助手通常一個起兩個止，楊怡請足三個， 去到邊都浩浩蕩蕩咁， 好架勢。
把守去廁所都有兩人在外等候， 仲有一個去咗邊？梗係入咗去幫手啦！
蓮妹（左）同Mary姐（右）大楊怡一截都唔使擔遮，一姐係特別錫身啲。
楊怡時時刻刻都有助手擋駕，相反馬明就極之親民。成班妹妹仔任影唔嬲，有女fans見到偶像仲激動到喊（小圖）！馬明你搞喊人喇，衰豬！
蓮妹右手拎櫈左手又要顧住個小手袋，媽咪姐提議楊怡借個助手幫下人。
「老爺」劉松仁原來好鬼馬， 鍾意拎住部iPhone周圍影， JJ影一餐，古董車又影一餐。梗係啦，松哥同好多後生演員一樣，好鍾意玩微博㗎。
石修隻馬行行下忽然發老脾，工作人員捉都捉唔住，修哥立刻醒目地跳落地，有驚無險。
全站熱搜
留言列表
